Cavab: Fiqh terminologiyasında həsbiyə işlərdən olan vilayət təqlid olunmaq üçün lazım olan bütün şərtləri özündə toplamış hər bir fəqih (müctəhid) üçün sübut olur. Amma İslam ölkələrinin idarə olunması ona bağlı olan ümumi işlərdə həm fəqih şəxsin özündə, həm də onun şəraitində vilayətin başqa işlərini də nəzərə almaq şərt sayılır. O cümlədən, fəqihin ümumi möminlər arasında məqbul olması. 

Sual 2: Mərcəi-təqlidin hökmü, vəliyyi-fəqihin hökmü ilə fərqli olarsa, müqəllid hansından itaət etməlidir?

Cavab: İslam ölkələrinin və camaatın ümumi işlərinin idarə olunması ona bağlı olan şəri vilayəti olan şəxsin hökmü, hamı üçün, hətta müctəhidlər üçün də keçərlidir. Yalnız onun xəta etdiyi və ya Quran və sünnə ilə müxalif olması qəti surətdə məlum olduqda, hökmünə əməl etmək olmaz.

Sual 3: Vilayəti fəqih təhqiqidir, yoxsa təqlidi?

Cavab: Təqlididir.

http://sual.nur-az.com/az/
Öz suallarınıza cavab almaq üçün bizim saytımıza etimad etdiyinizə görə təşəkkür edirik.
Allahdan sizə xöşbəxtlik və müvəffəqiyyət arzulayırıq

Ayətullah əl-üzma Məkarim Şirazi vəliyyi-fəqih məsələsi barədə buyurur:

Bizim nəzərimiz budur ki, İslam ölkəsinin idarəsi üçün bütün insanların xaliqi olan Allah tərəfindən icazə verilməlidir (baxmayaraq ki, xalqın bunu qəbul etməsi, bu hədəfi daha da irəli aparmaq üçün bir vasitədir). Həmçinin, əqidəmiz budur ki, qeybət dövründə vəliyyi-fəqih İmam Əsrin (əc) nümayəndəsidir.

Ayətullah əl-üzma Məkrarim "təqlid mərcəsi vəliyyi-fəqihin hökumət məsələlərindəki hökmünə tabe olmalıdırmı?" sualının cavabında buyurur:

Bəli, vacibdir.

Vəliyyi-fəqih barədəki bu sualın: "Əgər vəliyyi-fəqih tərəfindən siyasi, ya ictimai işlərdə ümumi şiələr üçün bir hökm verilsə, digər təqlid mərcələrinin müqəllidləri üçün də təklif gətirirmi? (Yəni onlar üçün bu hökmə əməl etmək vacibdirmi) Digər mövzular necə?"-cavabında isə buyurur:

Hökumət məsələlərində vəliyyi-fəqihin hökmü keçərlidir.

Əgər vəliyyi-fəqih barədə ümumi bir məlumat istəsəniz, yenə də bizə müraciət edə bilərsiniz.

Bismillahir-rəhmanır-rəhim
Haram yol ilə əldə edilən pul əldə edənin şəxsi malikiyyətində deyil. Öz əsas maliki və ya maliklərinə qaytarılmalıdır. Əgər bu mümkün deyilsə, məchulul-malik, yəni sahibi məlum olmayan hökmündədir.
Bir sıra təqlid mərcələrinin bu barədə fətvalarını sizə çatdırırıq:

Ayətullah əl-üzma Sistani:
O pulun hamısını seyid olmayan dindar fəqirlərə sədəqə versin, xümsu yoxdur.

Ayətullah əl-üzma Safi Gülpayqani:
Məchulul-malik hökmündədir və xumsu yoxdur. Gərək sahibinin tərəfindən seyid olmayan fəqirlərə sədəqə versinlər.

Ayətullah əl-üzma Nuri Həmədani:
Sual fərzində qeyd edilən məbləğ gərək rəddi-məzalim ünvanı ilə ödənilsin (yəni müctəhidin icazəsi ilə sahibi tərəfindən fəqirə sədəqə verilsin).

http://sual.nur-az.com/az/
Öz suallarınıza cavab almaq üçün bizim saytımıza etimad etdiyinizə görə təşəkkür edirik.
Allahdan sizə xöşbəxtlik və müvəffəqiyyət arzulayırıq

Bismillahir-rəhmanır-rəhim
Belə hallarda onlara demək lazımdır ki, əgər dinin bizə əmrlərindən söhbət gedirsə, dinin rəhbərlərinin sözlərinə və əməllərinə tabe olmaq lazımdır. Dinin rəhbərləri bizə belə göstəriş verirlər:
1.Danışıqda;
a) İslam Peyğəmbəri (s) buyurur: “Sizlərdən ən xeyirliniz, ailəsinə qarşı ən xeyirli olanıdır.”(Məkarimul-Əxlaq, səh.216)
b) Həzrət Rəsulullah (s) yenə buyurur: “Məlundur, məlundur o kəs ki, öz aliəsinə və uşağına diqqətsizlik edir!” (Mən la yəhzurul fəqih, səh.55)
İmam Sadiq (ə) buyurur: “Mürüvvətli insan ailəsi olan şəhərdə, əgər başqa yerdə gecələsə sanki özünü həlakətə atıb.” (Mən la yəhzurul fəqih, səh.55)
2.Əməli rəftar:
Bizim pak məsumlarımızın (ə) rəftar və adəti budur ki, döyüş, səfər, ibadət, Məscidul-Haramda qalmaq və sair kimi zəruri məqamları çıxmaq şərti ilə həmişə, öz ailələrinin yanında olmuşlar. Gecələri öz ailələrinin yanında keçirmişlər. Hətta, dini və məzhəbi məclislərini gündüzlər təşkil etmişlər ki, ailənin haqqı pozulmasın. Allah-Taala Quranda buyurur: “Öz həyat yoldaşlarınızla yaxşı rəftar edin!” (Nisa surəsi 19).
http://sual.nur-az.com/az/
Öz suallarınıza cavab almaq üçün bizim saytımıza etimad etdiyinizə görə təşəkkür edirik.
Allahdan sizə xöşbəxtlik və müvəffəqiyyət arzulayırıq