Nur-az.com - Sual cavab

Sual (61) : Salam mən ehsan verirəm. Qorxuram təkəbbürə düçar olam. Ehsanı digər bir şəxsin adı ilə verə bilərəmmi? Yəni ehsan verməkdə yalan danışmaq düzgündürmü?
Ad: , Ölkə: , Müctəhid: Ayətullah Sistani

Bismillahir-rəhmanır-rəhim

Ehsan və digər ibadətlərdə yalan danışmaq düzgün deyil və günahdır. Lakin ehsanı bu formada vermək olar. Misal üçün deyilsin ki, bunu qardaşlarından biri verib və yaxud möminlərdən biri ehsan edib (Çünki ehsan edənin özü qardaşlardan və möminlərdən biridir. Buna görə bu sözü demək yalan deyil və düzgündür). Əgər soruşsalar ki, ehsan edənin adı nədir? Demək olar ki, o adının bilinməsini istəmir.

http://sual.nur-az.com/az/

Öz suallarınıza cavab almaq üçün bizim saytımıza etimad etdiyinizə görə təşəkkür edirik.
Allahdan sizə xöşbəxtlik və müvəfəqiyyət arzulayırıq

Sual (62) : Çox çox üzr istəyirəm.hesablamaynan hamilə qalmaq günah sayılırmı? bunun hokmu nedi
Ad: Nurane, Ölkə: , Müctəhid: Ayətullah Sistani

Bismillahir-rəhmanır-rəhim

Hal-hazırda Çin üslubu kimi tanınan bu üslubdan istifadə etməyin öz-özlüyündə eybi yoxdur. Hətta İslamda da hamilə qalmaq və övlad dünyaya gətirmək üçün yaxşı və yaxşı olmayan günlər vardır. Yaxşı olar ki, möminlər bu günlərə riayət etsinlər.

http://sual.nur-az.com/az/

Öz suallarınıza cavab almaq üçün bizim saytımıza etimad etdiyinizə görə təşəkkür edirik.
Allahdan sizə xöşbəxtlik və müvəfəqiyyət arzulayırıq

Sual (63) : Insan gundelik qarsina cixan meseleleri vacibdi ki oyrensin ve eger oyrenmese bu ona gunah sayilirmi?
Ad: , Ölkə: , Müctəhid: Ayətullah Xamenei

Bismillahir-rəhmanır-rəhim
Hər bir müsəlman adətən ehtiyac duyduğu məsələləri öyrənməlidir. O məsələlərin öyrənilməməsi vacibin tərk olunmasına, yaxud harama düşməyə səbəb olarsa, şəxs günahkardır.
http://sual.nur-az.com/az/
Öz suallarınıza cavab almaq üçün bizim saytımıza etimad etdiyinizə görə təşəkkür edirik.
Allahdan sizə xöşbəxtlik və müvəfəqiyyət arzulayırıq

Sual (64) : Allahın salamı olsun üzərinizə. Ölüm ər-arvadlığın qırılmasına, onların arasındakı nikahın pozulmasına səbəb olurmu? Əgər ər-arvadlığın və nikahın pozulmasına səbəb olursa, onda belə nəticəyə gəlmək olar ki, onlardan biri öldükdən sonra o birisi ona qüsl verə bilməz. Halbuki, risalələrdə ər-arvadı bir-birinə qüsl verməsi icazəli sayılıb. Bu barədə bizə açıqlama vermənizi xahiş edirik. Ola bilsin ki, arada nələr varsa, biz onu bilməməyimiz üzündən belə nəticə çıxarmışıq. Öncədən təşəkkür edirik.

Bismillahir-rəhmanır-rəhim
Şiə fəqihlərinin məşhur nəzərinə əsasən, ər-arvaddan birinin vəfatı ilə onların arasındakı zövclük (ər-arvadlıq) aradan qalxır. Buna görə də kişi arvadının ölümündən sonra onun bacısı ilə izdivac edə bilər, yaxud əgər onunla dörd arvadı var idisə, onun ölümündən sonra digər bir arvad ala bilər. Halbuki, bunlar onun vəfatından qabaq kişi üçün haram idi. Həmçinin, arvadın vəfat etməsindən sonra kişinin ondan təməttö (cinsi bəhrələnmək) haqqı yoxdur.
Bunlar hamısı onların arasında ər-arvadlığın aradan qalxmasını göstərir. Amma ər-arvaddan birinin vəfatından sonra ona baxmaq, toxunmaq, qüsl vermək kimi ər-arvadlığa aid bəzi hökmlərin qalması onların arasında ər-arvadlığın qalması mənasına deyil. (Seyid Musəvi Şübeyri Zəncani, "Nikah kitabı", c. 17, səh. 5643). Yuxarıda qeyd edilən bəzi hökmlərin qalması bu mövzuda olan rəvayətlərə söykənir. O cümlədən imam Sadiqdən (ə) nəql edilən bu rəvayət:

«سَأَلَهُ مَنْصُورُ بْنُ حَازِمٍ- عَنِ الرَّجُلِ یُسَافِرُ مَعَ امْرَأَتِهِ فَتَمُوتُ أَ یُغَسِّلُهَا قَالَ نَعَمْ وَ أُمَّهُ وَ أُخْتَهُ وَ نَحْوَهُمَا یُلْقِی عَلَى عَوْرَتِهَا خِرْقَةً وَ یُغَسِّلُهَا»؛‌

İmam Cəfər Sadiqdən (ə) sual olunur: Bir kişi öz arvadı ilə səfərə çıxır. Arvad yolda ölür. Kişi o qadına qüsl verə bilərmi?
Həzrət buyurdu: "Bəli. Kişi anası, bacısı və onlar kimi məhrəmlərinə qüsl verə bilər. Lakin onların övrətlərinin üstünü parça ilə örtsün, sonra qüsl versin". (Qumi, Səduq, Məhəmməd ibn Əli ibn Babəveyh; "Mən la yəhzəruhu əl-fəqih", c. 1, səh. 155, hədis 430).
Bu hədisin zahiri dəlalət edir ki, kişi arvadının və digər məhrəmlərinin vəfatından sonra libas olmadan onlara qüsl verə bilər, lakin övrətini örtməllidir.
Qeyd edək ki, fəqihlərin çoxunun fətvası belədir ki, ana-bacı kimi məhrəmlərə libas üzərindən qüsl versin, lakin arvadının təkcə övrətini örtsə kifayətdir. (Məclisi, Məhəmməd Təqi, "Ləvame sahibqərani", c. 2, səh. 283)
http://sual.nur-az.com/az/
Öz suallarınıza cavab almaq üçün bizim saytımıza etimad etdiyinizə görə təşəkkür edirik.
Allahdan sizə xöşbəxtlik və müvəfəqiyyət arzulayırıq

Sual (65) : ALLAH-ın salamı,rəhməti və bərəkəti üzərinizə olsun. Sualım budur. Bir nəfər mömin qardaşlardan borcu var və borclu da borcunu tələb edir. Bu qardaşın da heç bir yolu qalmayıb daha. Çıxılmaz bir vəziyyətdədir. Bu vəziyyətdə axır çıxış yolu təkcə bangdan pul götürmək qalıb. Bu halda o bangdan pul götürə bilərmi? Və ya nə etməlidir? Bu barədə geniş izah verməyinizi sizdən rica edirəm. Borclu əl çəkmir qardaşdan pulunu istəyir. Öncədən də təşəkkür edirəm.
Ad: Əmin, Ölkə: Azərbaycan, Müctəhid: Ayətullah Sistani

Bismillahir-rəhmanır-rəhim

Əgər müzaribə, kreditlə mal satqısı və s. kimi şəri müamilələrin biri çərçivəsində olsa, eybi yoxdur və bunun şərtlərinə əməl etmək lazımdır. Əgər şəri müamilələr çərçivəsində olmasa, bank da dövlət və ya dövlətlə müştərək banklardan olsa, həmin məbləği məchulul-malik (sahibi məlum olmayan) mal ünvanı ilə götürün, sonra Ayətullah əl-üzma Sistaninin izni ilə həmin pulu özünüzə düzgün borc hesab edin. Həmin pulu kredit götürdükdə qeyd olunan qaydalara uyğun olaraq istfadə edin.
Əlbəttə, bank tərəfindən verilən pulun əslinin və əlavə gəlirinin sizdən alınacağını bilməyiniz, borca bir zərər yetirmir. (Bu o surətdədir ki, siz həmin məbləği məchulul-malik və Ayətullah əl-üzma Sistaninin izni ilə almış olasınız).
Qeyd: Ayətullah əl-üzma Sistani bu izni bütün möminlərə vermişdir.
Bu hökm islami banklara aiddir. Qeyri-islami banklardan əlavə gəlir ödəmək məqsədi ilə borc almaq haramdır. Bu işdən qurtarmaq üçün malı borc adı ilə deyil, qənimət adı ilə bankdan alıb, şəriət hakiminə müraciət etməyə heç bir ehtiyac olmadan təsərrüf etmək olar. Hərçənd onların həm malın əslini, həm də qazancını ondan tələb edəcəklərini bilsə belə.
http://sual.nur-az.com/az/
Öz suallarınıza cavab almaq üçün bizim saytımıza etimad etdiyinizə görə təşəkkür edirik.
Allahdan sizə xöşbəxtlik və müvəffəqiyyət arzulayırıq.

Sual (66) : Məhərrəm ayında əzadarlıq məqsədilə qara köynək geyinməyə sizin münasibətinizi bilmək istəyirəm. Allah razı olsun
Ad: , Ölkə: Azerbaycan, Müctəhid: Ayətullah Safi

Bismillahir-rəhmanır-rəhim
Ayətullah əl-üzma Safi:
İmam Hüseynin (ə) və digər məsumların(ə) müsibətində hüzn və matəmi bildirmək üçün qara libas geyinmək daha üstündür.
Ayətullah əl-üzma Fazil:
İmam Hüseynin (ə) və digər məsumların (ə) əzasında qara geyim geymək Allah şüarlarına təzimin nümunəsi və əlamətidir. Ona görə də şəri baxımdan bu daha üstün sayılır. Mərhum Ayətullah Bürucerdi həzrətləri Aşura günü əməli surətdə qara qəba geyinirdi.
http://sual.nur-az.com/az/
Öz suallarınıza cavab almaq üçün bizim saytımıza etimad etdiyinizə görə təşəkkür edirik.
Allahdan sizə xöşbəxtlik və müvəfəqiyyət arzulayırıq

Sual (67) : Başa qəmə vurmaq, baş yarmağın hökmü nədir? Həzrət Ayətullah Xameneinin bu barədə hökmünə başqa müctəhidlərin müqəllidləri də tabe olmalıdır? Baş yarma mərasiminin aşkarda və ya gizlində həyata keçməsinin fərqi var?
Ad: Elvin, Ölkə: , Müctəhid: Ayətullah Xamenei

Bismillahir-rəhmanır-rəhim

Həzrət Ayətullah əl-üzma Xamenei hazırkı şəraitdə qəmə vurmağı haram sayır və buyurur ki, bu əməlin sabiqəsi yoxdur, sabiqəsi olsa belə əhli-Beyt (ə) məktəbinə qarşı təbliğatda istifadə olunur. Əhli-beyt (ə) məktəbini, şiəliyi alçaltmaq istəyənlər baş yarmaq mərasimindən fotolar paylaşır. Həmçinin, həzrət buyurur ki, belə bir şəraitdə baş yarmaq nəinki əzadarlıq deyil, hətta əzadarlığa qarşı təxribatdır. Buna görə də bütün möminlər kimə təqlid etməsindən asılı olmayaraq əzadarlıqda bu işdən çəkinməlidirlər. Aşkarda və ya gizlində qəmə vurmaq arasında fərq yoxdur. Yəni, gizlində də bu işi etməyə icazə verilmir.

http://sual.nur-az.com/az/
Öz suallarınıza cavab almaq üçün bizim saytımıza etimad etdiyinizə görə təşəkkür edirik.
Allahdan sizə xöşbəxtlik və müvəfəqiyyət arzulayırıq

Sual (68) : Əgər bir nəfər əza məclisində iştirak etməklə yanaşı hər hansı bir vacibatı tərk edərsə (sübh namazı qıla bilməzsə) onun bu məclisdə iştirakı nə dərəcədə düzdür?
Ad: , Ölkə: , Müctəhid: Ayətullah Xamenei

Bismillahir-rəhmanır-rəhim
Bütün təqlid mərcələri: Aydın məsələdir ki, namaz kimi vacibləri yerinə yetirmək bütün əza məclislərindən öndədir. Əgər əza məclisində iştirak etmək bəhanəsi ilə namaz tərk olunsa, düzgün deyildir. Amma vacib əməlləri yerinə yetirmək şərti ilə ən savablı əməl əza məclisində iştirak etməkdir.
http://sual.nur-az.com/az/
Öz suallarınıza cavab almaq üçün bizim saytımıza etimad etdiyinizə görə təşəkkür edirik.
Allahdan sizə xöşbəxtlik və müvəfəqiyyət arzulayırıq

Sual (69) : salam. nərd oyunu caizdirmi? bu oyun iki cür oynanır uzun və gödək anlayışında hər iki növüdə haramdır ?
Ad: drongo, Ölkə: Gürcüstan, Müctəhid: Ayətullah Xamenei

Bismillahir-rəhmanır-rəhim
Nərd oyununun heç bir növü İcazəli deyil.
http://sual.nur-az.com/az/
Öz suallarınıza cavab almaq üçün bizim saytımıza etimad etdiyinizə görə təşəkkür edirik.
Allahdan sizə xöşbəxtlik və müvəfəqiyyət arzulayırıq

Sual (70) : Məhərrəm ayında nişan mərasimi, yaxud toy etmək olarmı?
Ad: turqut, Ölkə: , Müctəhid: Ayətullah Xamenei

Bismillahir-rəhmanır-rəhim
Belə məclislər adətən imam Heseynə (ə) hörətsizlik sayılır və bunun üçün də icazəli deyil. Qeyd edək ki, əgər belə bir matəm ayında bu toy baş tutsa da heç vaxt bərəkətli olmayacaqdır.
http://sual.nur-az.com/az/
Öz suallarınıza cavab almaq üçün bizim saytımıza etimad etdiyinizə görə təşəkkür edirik.
Allahdan sizə xöşbəxtlik və müvəfəqiyyət arzulayırıq