Sual (11) : Salam donuz eti niye xrisdiyana haram deyil ve icki werab niye haram deyil muselmana ise haramdl???
Имя: , Страна: , Муджтахид: Ayətullah Xamenei
Bismillahir-rəhmanır-rəhim
Donuz əti bütün insanlar üçün qadağan edilmişdir. Elə xristian dininin özündə də donuz əti yemək haramdır. Amma onlar öz dinlərinə əməl etmir və yeyirlər. Necə ki, İslamda da qadağan donuz əti və haram buyurulmuş bir sıra qidalar vardır, ancaq bəziləri bu qadağalara baxmayaraq haram iş görürlər.
İslam dini Allahın insanlar üçün seçdiyi dindir. İslamdan qabaq gəlmiş bütün dinlər də islam dininin təkmilləşməsinə, insanların ona hazır olmasına xidmət etmişdir. Bütün peyğəmbərlər də İslam dinini təbliğ etmişdir.
http://sual.nur-az.com/az/43/Qida-v%C9%99-i%C3%A7kil%C9%99r-ov-heyvanlar%C4%B1n-k%C9%99simi/
Öz suallarınıza cavab almaq üçün bizim saytımıza etimad etdiyinizə görə təşəkkür edirik.
Allahdan sizə xöşbəxtlik və müvəfəqiyyət arzulayırıq 
Sual (12) : Salam. Məlumdur ki, əziz Rəhbərimiz siqaretin hökmü barəsində buyurur ki, nəzərə çarpacaq dərəcədə ziyandırsa, onda haramdır. Lakin bu fətva bizim üçün qaranlıqdır. Belə ki, "nəzərə çarpacaq dərəcə ziyandır" dedikdə nə nəzərdə tutulur? Həmçinin həmin ziyanın vaxtı da bizim üçün naməlumdur. Yəni nə zaman ziyan edərsə? Bir həftəyəmi? Bir iləmi? Yaxud beş iləmi? Hər il siqaretdən təxminən beş milyon insan dünyasını dəyişir. Bu statistika həmin "nəzərə çarpacaq dərəcə ziyandır" hökmünə aid edilirmi? Əvvəlcədən minnətdarıq.
Имя: Abdulla, Страна: Azerbaycan, Муджтахид: Ayətullah Xamenei
Bismillahir-rəhmanır-rəhim
Nəzərə çarpacaq dərəcədə ziyanın təyin edilməsi, bu sahədə yetərli biliyi olan şəxslərin öhdəsindədir və onu ayırd etmək mükəlləfin öz öhdəsindədir. Hər bir surətdə, ona yəqinlik olmayanadək, öz-özlüyündə işkalı yoxdur.
http://sual.nur-az.com/az/43/Qida-v%C9%99-i%C3%A7kil%C9%99r-ov-heyvanlar%C4%B1n-k%C9%99simi/
Öz suallarınıza cavab almaq üçün bizim saytımıza etimad etdiyinizə görə təşəkkür edirik.
Allahdan sizə xöşbəxtlik və müvəfəqiyyət arzulayırıq
Sual (13) : salamun aleykum.heyvanin(qoyun,toyuq ve s kimi heyvanlar) basini qadin kese biler?eger kese bilmezse bunun sebebini zehmet olmasa deyersiz
Имя: 7210, Страна: 7210, Муджтахид: Ayətullah Sistani
Bismillahir-rəhmanır-rəhim
Heyvanı zibh edən şəxsin müsəlman olması lazımdır, amma qadın yaxud kişi olmasının fərqi yoxdur.
Ümumiyyətlə, heyvanın başını kəsməyin şərtləri aşağıdakı kimidir: 
1. Heyvanın başını kəsən istər kişi olsun, istərsə qadın, gərək müsəlman olsun. Müsəlman uşağı əgər müməyyiz olsa, yəni yaxşı ilə pisi ayıra bilirsə, heyvanın başını kəsə bilər. Amma kitab əhli olmayan kafir və ya kafir hökmündə olan firqələrdən bir kəs, məsələn, nəvasib kimi, heyvanın başını kəssə, o heyvan halal olmaz, hətta kitab əhli olan kafir, əgər heyvanın başını kəssə, hərçənd «Bismillah» demiş olsa belə, ehtiyat-vacibə əsasən o heyvan halal olmur.
2. Heyvanın başını imkan daxilində dəmirdən olan şey ilə kəsməlidirlər. Ehtiyat-vacibə əsasən istil bıçaqla kəsmək kifayət deyil. Amma əgər dəmir tapılmasa, onun dörd damarını ayıra biləcək iti bir şey ilə, məsələn, şüşə və daş ilə də kəsmək olar, hərçənd onun başını kəsməyə münasib zəruriyyət olmasa belə.
3. Heyvan başı kəsilən vaxtı üzü qibləyə olmalıdır. Deməli, əgər ayaq üstə, ya oturan halda olsa, heyvanın üzü qibləyə olmağı insanın namazda üzü qibləyə olan halı kimidir. Əgər heyvan sağ, ya sol tərəfində uzadılmış olsa, gərək kəsilən yeri və qarnı üzü qibləyə olsun və onun ayaqlarının, əllərinin və üzünün qibləyə tərəf olmağı lazım deyil. O kəs ki, bilir heyvanın başı gərək üzü qibləyə kəsilsin və bilərəkdən onu qibləyə tərəf çevirməsə, heyvan haram olur, amma əgər yadından çıxarsa, ya məsələni bilməsə, ya qibləni səhv salsa eybi yoxdur. Əgər qiblənin hansı tərəfdə olduğunu bilməsə, ya başqasının köməyi ilə də olsa, heyvanı üzü qibləyə tərəf çevirə bilməsə, belə ki, heyvan ipə-sapa yatmayan olsa, ya bir çalaya düşmüş olsa və onu kəsməyə məcbur olsalar, hər istiqamətə zibh etsələr, eybi yoxdur. Əgər üzünü qibləyə çevirməkdə yubansalar, heyvan öləcəksə, hökm eynidir. Heyvanın üzü qibləyə kəsilməsinə etiqadı olmayan müsəlmanın zibh etməsi, üzü qibləyə kəsməsə də səhihdir. Ehtiyat-müstəhəb budur ki, heyvanın başını kəsənin də üzü qibləyə olsun.
4. Heyvanın başını kəsən vaxt, ya bıçağı boğazına qoyduqda onu kəsən şəxsin özü baş kəsmək niyyəti ilə Allahın adını çəksin. Əgər kəsən şəxsdən başqası Allahın adını çəksə, kifayət deyil. «Bismillah» desə, hətta əgər yalnız «Allah» desə də, ehtiyatın xilafına olsa da, kifayətdir. Əgər baş kəsmək qəsdi olmadan Allahın adını çəksə, ya məsələni bilmədiyinə görə Allahın adını çəkməsə, o heyvan halal olmaz. Amma əgər yaddan çıxarıb Allahın adını çəkməsə, eybi yoxdur.
5. Heyvan başı kəsildikdən sonra gözünü, ya quyruğunu hərəkət etdirməklə, ya ayağı yerə vurmaqla olsa belə, çırpınmalıdır. Bu hökm heyvanın diri olmasına şübhə olduğu təqdirdədir. Əgər belə olmasa, heç bir lüzum yoxdur.
6. Heyvanın bədənindən adi miqdarda qan axmalıdır. Əgər qan onun damarlarında laxtalanarsa və ondan qan axmazsa və ya axan qan o növ heyvana nisbətdə az olarsa, o heyvan halal olmur, amma az qanın axması, heyvanın başını kəsməkdən əvvəl qan axması olduğuna görə olsa, o halda eybi yoxdur.
7. Boğazın kəsilməsi zibh etmək qəsdi ilə olmalıdır. Deməli, əgər bıçaq birinin əlindən düşsə və ixtiyarsız olaraq bir heyvanın başını kəssə, yaxud başı kəsən adam yuxulu, məst, bihuş, uşaq, dəli və başqa məqsədlə bıçağı heyvanın başına çəksə və təsadüfən kəssə, halal olmaz.

http://sual.nur-az.com/az/43/Qida-v%C9%99-i%C3%A7kil%C9%99r-ov-heyvanlar%C4%B1n-k%C9%99simi/
Öz suallarınıza cavab almaq üçün bizim saytımıza etimad etdiyinizə görə təşəkkür edirik.
Allahdan sizə xöşbəxtlik və müvəfəqiyyət arzulayırıq
Sual (14) : Əgər kişmişi bir qabda qaynatsalar və ya bir qabda (yağda) qızartsalar, hökmü nədir?
Имя: , Страна: , Муджтахид: Ayətullah Vəhid
Bismillahir-rəhmanır-rəhim
Xurma, meviz, kişmiş və bunların suları hətta qaynasalar belə, pak və onun yeyilməsi halaldır.
http://sual.nur-az.com/az/43/Qida-v%C9%99-i%C3%A7kil%C9%99r-ov-heyvanlar%C4%B1n-k%C9%99simi/
Öz suallarınıza cavab almaq üçün bizim saytımıza etimad etdiyinizə görə təşəkkür edirik.
Allahdan sizə xöşbəxtlik və müvəfəqiyyət arzulayırıq 
Sual (15) : Assalamu aleykum Dovsan eti halaldi ya haram?? Evvelceden tesekkurler
Имя: Alish.alishli@mail.ru, Страна: , Муджтахид: Ayətullah Sistani
Bismillahir-rəhmanır-rəhim
Dovşanın əti haramdır.
http://sual.nur-az.com/az/43/Qida-v%C9%99-i%C3%A7kil%C9%99r-ov-heyvanlar%C4%B1n-k%C9%99simi/
Öz suallarınıza cavab almaq üçün bizim saytımıza etimad etdiyinizə görə təşəkkür edirik.
Allahdan sizə xöşbəxtlik və müvəfəqiyyət arzulayırıq
Sual (16) : Salam aleykum. Icki ve haram musiqi calinan meclis ucun bisirilen yemeklerden hemin meclisde deyil basqa yerde yemek olar?
Имя: , Страна: , Муджтахид: Ayətullah Xamenei
Bismillahir-rəhmanır-rəhim
Öz-özlüyündə iradı yoxdur.
http://sual.nur-az.com/az/43/Qida-v%C9%99-i%C3%A7kil%C9%99r-ov-heyvanlar%C4%B1n-k%C9%99simi/
Öz suallarınıza cavab almaq üçün bizim saytımıza etimad etdiyinizə görə təşəkkür edirik.
Allahdan sizə xöşbəxtlik və müvəfəqiyyət arzulayırıq
Sual (17) : Salam Aleykum,Allah sizdən razı olsun.Sualım budur ki,0% alkoqol olan pivəni içmək olar? nəzərinizə çatdırım ki,bu pivə spirtsizdir.Yəni 0% olan digər pivələr var ki,onlar əvvəl spirtli olub sonra 0 % -ə endirilib.Hər ikisinin hökmü nədir?
Имя: Məhəmməd, Страна: Azərbaycan, Муджтахид: Ayətullah Sistani
Bismillahir-rəhmanır-rəhim
Arpadan çəkilən, yüngülvari sərxoşluq gətirən və foqqa (pivə) deyilən içkinin içilməsi haramdır və ehtiyat-vacibə görə nəcisdir. Bu içki növü adətən hər hansı bir məstliyə səbəb olmur və insana şadlıq gətirir ki, onu yüngülvari sərxoşluq adlandırmaq da olar. Zahirən bu şadlığın səbəbi tərkibindəki spirtin az olmasıdır. Əgər sualda adı çəkilən içki əvvəlcədən tamamilə spirtsiz düzəldilsə və ona foqqa (pivə) deyilməsə eybi yoxdur. Əks halda haramdır. Hətta əgər spirt düzəldiləndən sonra onun tərkibindən alınsa, yenə də haramdır.
http://sual.nur-az.com/az/43/Qida-v%C9%99-i%C3%A7kil%C9%99r-ov-heyvanlar%C4%B1n-k%C9%99simi/
Öz suallarınıza cavab almaq üçün bizim saytımıza etimad etdiyinizə görə təşəkkür edirik.
Allahdan sizə xöşbəxtlik və müvəfəqiyyət arzulayırıq
Sual (18) : Salam elekum .siqaret cekmek haramdl?
Имя: , Страна: , Муджтахид: Ayətullah Sistani
Bismillahir-rəhmanır-rəhim 
Siqaret çəkmək, insana zərər və ziyanlı olsa, baxmayaraq ki, bu zərər gələcəkdə olacaqdır və istər zərəri məlum olsun, istərsə də zərəri olacağı güman edilsin, ağlabatan surətdə insanın sağlamlığına zərəri olacağından qorxsalar, haramdır. 
http://sual.nur-az.com/az/43/Qida-v%C9%99-i%C3%A7kil%C9%99r-ov-heyvanlar%C4%B1n-k%C9%99simi/
Öz suallarınıza cavab almaq üçün bizim saytımıza etimad etdiyinizə görə təşəkkür edirik.
Allahdan sizə xöşbəxtlik və müvəfəqiyyət arzulayırıq 
Sual (19) : Salam olsun sizə. 1) Bəzi dəri üçüçn mazlar var ki yazılıb tərkibində "hansısa spirtin" də qarışığı var yazılıb o cümlədən ətirlərdə də var. Bunları istifadə edib o halda namaz qılmaq səhihdirmi? (Bir Ruhani "namaz qılmaq olar onun tərkibindəki spirt uçur" demişdi) bu düz deyilsə mənim bu halda qıldığım namazlar səhihdirmi? 2) Şayxana kimi yerdə yemək yeyərkən başqa bir stola spirtli içki gəlsə orda yeməyə davam etmək olarmı? 3) Başqasının pulu məndə qalıb onları da heç cür tanımıram onun sədəqəsini məscidin mollasına vermək olarmı? İndidən çox sağolun Allah amanında
Имя: Ali, Страна: Rusiya , Муджтахид: Ayətullah Xamenei
Bismillahir-rəhmanır-rəhim
1. Zatən məstedici maye növündən olub-olmadığı məlum olmayan spirtlər, pak hökmündədirlər və onunla qarışdırılmış mayelərdən istifadənin iradı yoxdur.
2. Şərab içilən məclislərdə iştirak etmək, heç kimə icazəli deyildir. 
3. Əgər fəqir olsa, iradı yoxdur.
http://sual.nur-az.com/az/43/Qida-v%C9%99-i%C3%A7kil%C9%99r-ov-heyvanlar%C4%B1n-k%C9%99simi/
Öz suallarınıza cavab almaq üçün bizim saytımıza etimad etdiyinizə görə təşəkkür edirik.
Allahdan sizə xöşbəxtlik və müvəfəqiyyət arzulayırıq
Sual (20) : Salam Aleykum. Qıcqırdılmış hər şey haramdırmı? Yoxsa bu sadəcə üzüm suyuna aiddir?
Имя: Ülvi, Страна: Azerbaycan, Муджтахид: Ayətullah Sistani
Bismillahir-rəhmanır-rəhim
Məst (sərxoş) edici olan hər şey, haramdır.

http://sual.nur-az.com/az/43/Qida-v%C9%99-i%C3%A7kil%C9%99r-ov-heyvanlar%C4%B1n-k%C9%99simi/
Öz suallarınıza cavab almaq üçün bizim saytımıza etimad etdiyinizə görə təşəkkür edirik.
Allahdan sizə xöşbəxtlik və müvəfəqiyyət arzulayırıq
Go to TOP