Bismillahir-rəhmanır-rəhim

İslami olan əsas şəri və məzhəbi bayramlar "Fitr", "Qurban", "Qədir" bayramları, həzrət Rəsul- əkrəmin (s) və məsum imamların (ə) dünyaya gəldikləri günlərdir.
Novruz bayramında da əgər möminlər, mömin qardaşlar ilə görüşmək, xəstələrə baş çəkmək, fəqirlərin halından xəbərdar olmaq və onlara kömək etmək kimi proqramları yerinə yetirsələr və eyni zamanda insanları xoşa gəlməyən yollara sövq etdirən işlər etməsələr, belə bir bayramın keçirilməsi münasibdir.
Hədisdə vardır "كل يوم لايعصي الله فيه فهو يوم عيد" (Allaha qarşı üsyan olunmayan hər bir gün bayramdır).
Novruz, yəni yeni gün, bahar fəslinin birinci günü.

Bismillahir-rəhmanır-rəhim

1. Xatırladaq ki, həzrət Fatimənin (s) şəhadət gününün (95 və 75 gün hədislərinə əsasən olan şəhadət günlərinin özü) Novruz bayramı gününə düşmür. Ona görə də bu ilki Novruz bayramında şadlıq etməyin, eybi yoxdur. Lakin şəhadət günlərinin özündə şəhadəti nəzərə almaq və bu məsələyə riayət etmək lazımdır.

2. Fatimiyyə günlərində (həzrət Fatimənin (s) şəhadət günləri) şadlıq-şənlik etmək haram olmasa da lakin, islami ürf və adət-ənənələr belə tələb edir ki, şəhadət günlərində qeyri-məntiqi və qeyri-şəri şənliklərdən çəkinilsin. Çünki Quran və rəvayətlər Peyğəmbərin (s) ailəsini sevməyi vacib etmişdir ("Şura" surəsi, ayə 23, "Hud" surəsi, ayə 29).

Sevginin də bır sıra lazimə və əsərləri vardır və sadiq, doğru sevgisi olan o kəsdir ki, sevginin ədəb və qaydalarını lazımınca yerinə yetirsin. Sevginin ən əsas laziməsindən biri budur ki, sevdiyin insanların qəminə şərik olasan, onlarla həmdərd olasan, şad günlərində də onların sevincinə şərik olasan və şad olmağını bildirəsən. Bu üzdən əhli-beytin (ə) şadlığında şad olmağa, qəmlərində qəmlənməyə təkid edən çoxlu hədislər vardır. Həzrət Əli (ə) buyurur: "Bizim şiələrimiz və ardıcıllarımız bizim şadlığımız və qəmimizə şərikdirlər, öz varlarından və canlarından bizim yolumuzda keçirlər. Onlar bizdəndirlər və qayıdacaqları yer bizik" ("Bihar əl-anvar", c. 1, səh 114). Digər bir hədisdə imam Sadiq (ə) buyurur: "Bizim şiələrimiz, vücudumuzun bir hissəsidirlər və bizim gilimizin artığından yarandılıblar. Bizi qəmləndirən işlər onları da qəmləndirir, bizi sevindirən işlər, onları da sevindirir" ("Bihar əl-anvar", c. 64, səh 76).

Əqli və şəri vəzifə belə tələb edir ki, əhli-beytin (ə) əzadarlıq günlərində qəmgin olaq. Necə ki, imamlarımız Məhərrəm ayında belə olardılar. İmam Rza (ə) Rəyan ibn Şəbibə sifariş edir ki, imam Hüseyn (ə) üçün əzadarlıq etsin ("Əmali-Səduq", səh. 130).

Əhli-beytə (ə), o cümlədən həzrət Zəhraya (ə) əzadarlıq etməyin həm şəxsi, həm də ictimai təsirləri vardır. Yəni şiə məktəbində və mədəniyyətində əzadarlıq mərifət əsasında olmalı olduğundan, əhli-beytlə (ə) həmdərd olmaq həqiqətdə onların fəzilətlərini, hədəflərini xatırlamaqdır. Beləliklə, insanı onlardan örnək götürməyə sövq edir.

Əlbəttə, qeyd edək ki, əhli-beytə (ə), o cümlədən həzrət Zəhraya (ə) əzadarlıq etməyin mənası heç də həmişə qara geyinib, qəmli olmaq mənasına deyil. Lazım olan budur ki, əhli-beytə (ə) əzadarlıq zamanı onların hörmət və müqəddəsliyini qoruyaq.

Bizim tövsiyəmiz budur ki, camaatımız ənənəvi Novruz bayramını keçirməklə yanaşı Fatimiyyə günlərinin də hörmətini saxlasınlar və biz inanırıq ki, belə olacaq.

Bu mövzunu yaxşı və incə yollarla başqalarına da çatdırmaq olar.

http://sual.nur-az.com/az/
Öz suallarınıza cavab almaq üçün bizim saytımıza etimad etdiyinizə görə təşəkkür edirik.
Allahdan sizə xöşbəxtlik və müvəfəqiyyət arzulayırıq

Bismillahir-rəhmanır-rəhim

Qurani-kərim cinin olmasını (mövcudluğunu) təsdiqləmiş və onun üçün aşağıdakı xüsusiyyətləri sayır:
1. Cin oddan yaranmış bir varlıqdır. İnsan isə torpaqdan yaranmışdır.(Rəhman, 15)
2. Elm, idrak, haqqı batildən seçmək və məntiq və arqumentə malikdir. (Cin surəsinin müxtəlif ayələri)
3. Təklif, vəzifə və məsuliyyətə malikdir. (Cin və Rəhman surələrinin ayələri)
4. Onların bir dəstəsi mömin və əməli saleh, digər bir dəstəsi isə kafirdirlər.( Cin və Rəhman surələrinin ayələri)
5. Qiyamət və məadları var. (Həmin, 15)
6. Göylərə nüfuz edib gizlincə qulaq asmaq qüdrətləri varları idi və sonradan qadağan oldular. ( Həmin, 9)
7. İnsanların bəzisi ilə əlaqə yaradırlar və gizli bəzi sirlərə məhdud məlumatları ilə insanları aldadırlar. (Həmin 6)
8. Onların bəzisinin qüdrəti daha çoxdur. Necə ki, insanlarda da belədir. (Nəml surəsi, ayə 39)
9. İnsanın ehtiyacı olduğu bəzi işləri yerinə yetirməyə gücləri çatır. (Səba surəsi, ayə 12-13)
10. Yer üzündə onlar insanlardan qabaq yaranıblar. (Hicr surəsi, ayə 27)
11. Həzrəti Süleymanın əhvalatında, cinlərdən olan ifrit, Bilqeysin təxtini yerindən qalxmamış Süleymanın yanına gətirəcəyini iddia edən zaman, ( Nəml surəsi, ayə 30-40) həzrət Süleyman onu inkar etmir, baxmayaraq ki, Quranda da o cinin təxti gətirməsi gəlməyibdir. (Cavadi Amuli, Abdulla, təfsiri- mövzui, cild 1, səh 119)
Bu ayələrin hamısından cinin xəyali varlıq olmaması başa düşülür. Deməli, cin həqiqi maddi bir varlıqdır ki, onunla əlaqə yaratmaq mümkündür. Bir dəstə də onunla əlaqə yaradıblar. Baxmayaraq ki, qədim zamanlardan insanla cin arasında müxtəlif formada əlaqələr təsəvvür olubdur. Amma biz yalnız mötəbər rəvayətlərdə gəlmiş formaları qəbul edə bilərik.
Burada Quran, rəvayət və alimlərin dilində açıqlanmış bu əlaqələrin bəzi formalarına işarə edirik:

a). Cinə pənah aparmaq. Quranda deyilir: "Həqiqətən (cahiliyyət dövründə) bəzi insanlar bir para cinlərə pənah aparırdılar, bununla onların çətinliklərini artırırdılar." (Cin surəsi, ayə 6)
Ərəblərin adəti belə idi ki, qorxulu biyabana çatan zaman, o məntəqənin cininə pənah aparırdılar. İslam bu işi qadağan edib və insan və cini yaradana pənah aparmağı əmr etmişdir.( Biharul-ənvar, cild 92, səh 148)
b). Cini özünə tabe etdirmə. (təsxir). Cinləri özünə tabe etmək və onları öz xidmətinə almaq mümkün olsa da, amma fəqihlər arasında belə bir işin doğru olub, olmamasında fikir ayrılığı vardır. Lakin yekdil qəbul etdikləri rəyləri budur ki, bu iş şəri cəhətdən haram olan yolla baş verməməli və ya onların əziyyətinə səbəb olmamalıdır. Həmçinin onları işlətmək, haram və qeyri-şəri işlər üçün olmamalıdır. Çünki qeyri-şəri iş görmək, istər vasitə ilə istərsədə vasitəsiz, haramdır. (Minhacus-salehin, Xoyi, Əbulqasim, cild 2, səh 8)

Məsələnin fiqhi hökmü

Bismillahir-rəhmanır-rəhim

Başqa planetlərdə yaşamaq sualı bizim əsrdə ortaya çıxmış bir mövzudur. Ona görə də biz bu sualı iki baxışdan açıqlamaq istəyirik.
1). Görəsən başqa planetlərdə yaşamaq mümkündürmü?
Bu sualın cavabı astronomik və təbiətşunas alimlərin və mütəxəssislərin öhdəsindədir.
2). Belə təsəvvür edək ki, başqa planetlərdə yaşamaq imkanı insan üçün reallaşdı və insanlar yaşamaq üçün o yerlərə üz tutdular. Bu yerdə ikinci bir sual irəli gəlir ki, planetlərə yaşamağa gedən insanların şəri vəzifələri necə olacaqdır. Onlar öz şəri təkliflərini necə yerinə yetirəcəklər?
Bu sualın cavabı isə alimlərin və fiqh mütəxəssislərinin öhdəsindədir. Onlar gərək ayə və hədislərə istinad edərək bu kimi məsələlərin həllini tapsınlar. (şükürlər olsun ki, bu məsələnin öhdəsindən layiqincə gəlmişdirlər və sualı cavablandırmışlar).
İlkin cavab: İslam dininin ümumi qayda-qanunlarına istinad edərkən deyə bilərik ki, başqa planetlərdə yaşamağın heç bir maneəsi yoxdur.( Həkim, Seyyid Möhsin, Həqaiqətul- usul, cild 2, səh 223) Amma əsas şərti də budur ki, o yerdə yaşamaq onun həyatı və başqalarının həyatı üçün təhlükə mənbəyi olmasın. Həmçinin, əgər onun orada yaşamasının fərdə və ictimaiyyətə zərəri olarsa şəri baxımdan qəbahətli sayılır.
Amma əsas sual budur ki, orada insan öz şəri vəzifələrini necə yerinə yetirəcəkdir?
Bu sualın cavabı üçün hər bir insan öz müctəhidinə müraciət edəcəkdir. (məsələn: Qiblənin hökmü, namazın beş vaxtını və sair).
Nümunə üçün böyük müctəhidlərdən biri bu barədə verilmiş suala belə cavab vermişdir: (Suala və cavaba diqqət edin).
Sual: Bu günkü texnoloji inkişaf əsasında insan gün ərzində bir neçə dəfə yer kürəsinin başına fırlana bilər. Belə olan halda onun namazlarının vaxtları necə olacaqdır?.
Cavab: Hər kəs kosmik gəmi ilə yer kürəsini tərk edib onun ətrafını dövr etmək istərirsə, getməzdən öncə beş günün namazını qılsın və Yer kürəsinin üzərindəki "miqyası"( Qrenvic, Merdian) özünə vətən bilsin.
Sözümüzün sonunda bunu da qeyd edək ki, İslam dini daim bütün elmi məsələləri şəri baxımdan cavablandırmış və belə nəzərləri geniş surətdə dəyərləndirmişdir. Bundan əlavə Qurani-kərimdə insanın kosmik gəmilərdə ayı və günəşi seyr edəcəyinə işarələr olunmuşdur (Saffat surəsi, ayə 139- 148). Müqəddəs Qurani-kərim hətta balığın qarnındakı yaşayışdan belə xəbər verərək "həzrət Yunisin tövbəsi qəbul olmadığı halda balığın qarnında qiyamətə kimi qalacağını" söyləmişdir. (Şeyx Abbas Qumi, Səfinətul- bəhar kitabı, cild 2, səh 707)
Balığın qarnında necə yaşamaq isə bu gün heç bir insanın zehninə belə gəlmir.
Peyğəmbər (s) buyurub: "Əgər elm Sürəyyada (ulduz adıdır) olsa belə insanlar ona yiyələnəcəkdir".
http://sual.nur-az.com/az/
Öz suallarınıza cavab almaq üçün bizim saytımıza etimad etdiyinizə görə təşəkkür edirik.
Allahdan sizə xöşbəxtlik və müvəfəqiyyət arzulayırıq

Bismillahir-rəhmanır-rəhim

1. Təsir qoyma ehtimalı verdikdə, xəbərdarlıq edin, əks halda lazım deyil və ona qulaq asmaq olmaz.
2. Müsəlmanların hamısı baş verən pis işlər qarşısında pislikdən çəkindirməkdə vəzifəlidirlər. Əgər hamı bu iffətsizliklərin yayılması qarşısında bu barədə etiraz etsələr, bu pis işlərin yayılmasının qarşısı alınar.
http://sual.nur-az.com/az/
Öz suallarınıza cavab almaq üçün bizim saytımıza etimad etdiyinizə görə təşəkkür edirik.
Allahdan sizə xöşbəxtlik və müvəfəqiyyət arzulayırıq