Nur-az.com - Sual cavab

Sual (211) : Yemək zamanı nələr müstəhəbdir?
Ad: Elnur, Ölkə: Azərbaycan, Müctəhid: Ayətullah Məkarim

Bismillahir-rəhmanır-rəhim

Yeməkdən qabaq hər iki əli yumaq, yeməkdən sonra əlləri yumaq və qurulamaq, ev sahibinin hamıdan qabaq yeməyə başlayıb hamıdan sonra qurtarması, yeməkdən qabaq «Bismillah» demək, sağ əllə yemək, üç və ya çox barmaqla yemək, çox adamın oturduğu süfrədə öz qarşısından yemək, tikələri kiçik götürmək, süfrədə çox oturub yeməyə tələsməmək, yeməyi yaxşı çeynəmək, yeməkdən sonra aləmlərin Rəbbinə həmd etmək, barmaqları yalamaq, yeməkdən sonra dişləri təmizləmək, süfrədən kənara səpələnən qidanı yığıb yemək, günün başlanğıcında və gecənin başlanğıcında yemək, yedikdən sonra arxası üstə uzanıb sağ ayağı sol ayağın üstünə aşırmaq, yeməyi duzla başlayıb duzla qurtarmaq, meyvə yeməkdən qabaq onu yumaq.

Öz suallarınıza cavab almaq üçün bizim saytımıza etimad etdiyinizə görə təşəkkür edirik.

Allahdan sizə xöşbəxtlik və müvəfəqiyyət arzulayırıq.

Sual (212) : At əti halaldırmı?
Ad: Elnur, Ölkə: Azərbaycan, Müctəhid: Ayətullah Məkarim

Bismillahir-rəhmanır-rəhim

At, eşşək və qatır əti məkruhdur.

Öz suallarınıza cavab almaq üçün bizim saytımıza etimad etdiyinizə görə təşəkkür edirik.

Allahdan sizə xöşbəxtlik və müvəfəqiyyət arzulayırıq.

Sual (213) : Əti halal olan heyvanlarda nələri yemək haramdır?
Ad: Sahib, Ölkə: Azərbaycan, Müctəhid: Ayətullah Məkarim

Bismillahir-rəhmanır-rəhim

Əti halal olan heyvanlarda on beş şeyin yeyilməsi haramdır: 1. Qan; 2. Peyin; 3. Tənasül üzvü, (erkək heyvanda); 4. Sidik məxrəci (dişi heyvanda); 5. Vacib ehtiyata əsasən balalıq; 6. Vəzilər (təbii olaraq heyvanlarda 10 ədəd vəzi mövcuddur: 2 ədəd boğaz nahiyəsində, 2 ədəd kürək sümüklərinin altında, hər iki tərəfdə üç dənə olmaqla 6 ədəd də bud və paçalarda. Lakin qeyri-təbii olaraq ona bədənin müxtəlif nahiyələrində də rast gəlinir); 7. Xayalar; 8. Kəllə beyində yerləşən noxudcuq; 9. Onurğa sütunu arasında yerləşən ilik; 10. Onurğa sütununun iki tərəfində yerləşən “şah damar” (xəmirçək) ; 11. Öd kisəsi; 12. Dalaq; 13. Sidik kisəsi; 14. Gözün hədəqəsi; 15. Dırnaqarası piy.

Öz suallarınıza cavab almaq üçün bizim saytımıza etimad etdiyinizə görə təşəkkür edirik.

Allahdan sizə xöşbəxtlik və müvəfəqiyyət arzulayırıq.

Sual (214) : Hansı ətlər haramdır?
Ad: Cavad, Ölkə: Azərbaycan, Müctəhid: Ayətullah Məkarim

Bismillahir-rəhmanır-rəhim

Yeddi halda ət haram sayılır;

1. Qızılquş kimi caynaqlı quşlar;

2 Diri heyvandan qoparılmış ət parçası;

3. İnsanın “vəty” etdiyi (cinsi yaxınlıq) heyvan;

4. Pulsuz balıqlar;

5. Donuz, dovşan, fil kimi əti haram heyvanlar;

6. Qanadı çıxmadığından uça bilməyən çəyirtkə;

7. Diri heyvanın qarnından çıxmış ölü bala.

Öz suallarınıza cavab almaq üçün bizim saytımıza etimad etdiyinizə görə təşəkkür edirik.

Allahdan sizə xöşbəxtlik və müvəfəqiyyət arzulayırıq.

Sual (215) : Ovlanmış heyvanın əti nə zaman pak və halal sayılır?
Ad: Elnur, Ölkə: Azərbaycan, Müctəhid: Ayətullah Məkarim

Bismillahir-rəhmanır-rəhim

Ovlanmış heyvanın ətinin pak və halal olmasının beş şərti var:

1. Ov silahı bıçaq və qılınc kimi kəsici və ya nizə və ox kimi parçalayıcı olmalıdır;

2. Ovçu həddi-büluğ və yaxşını pisdən ayıra bilən yaşda müsəlman olmalıdır;

3. Ov silahı və ov üçün istifadə olunmalıdır;

4. Silah işə salınmazdan qabaq Allahın adı çəkilməlidir;

5. Ovçu heyvana çatdığı zaman heyvan ölmüş olsa və ya heyvanı kəsməyə vaxt olduğu halda o kəsilmədən ölsə, haramdır.

Öz suallarınıza cavab almaq üçün bizim saytımıza etimad etdiyinizə görə təşəkkür edirik.

Allahdan sizə xöşbəxtlik və müvəfəqiyyət arzulayırıq.

Sual (216) : Hansı heyvanları ovlamaq olar?
Ad: Cavad, Ölkə: Azərbaycan, Müctəhid: Ayətullah Məkarim

Bismillahir-rəhmanır-rəhim

Ovlanan heyvan ceyran və ya dağ keçisi kimi vəhşi olmalıdır, qaçmağa və ya uçmağa qadir olmalıdır, əti halal olmalıdır.

Öz suallarınıza cavab almaq üçün bizim saytımıza etimad etdiyinizə görə təşəkkür edirik.

Allahdan sizə xöşbəxtlik və müvəfəqiyyət arzulayırıq.

Sual (217) : Salam..Biz Rusiyada yaşayırıq..Bildiyiniz kimi burdakı vəziyyət başqa müsəlman ölkələrinin qanunları ilə fərq edir. Dəfələrlə biz halal kəsilməyən mal əti, toyuq, qaz və ördəklə qarşılaşırıq...Bunları özümüz yeməsək də, başqasına (ibadət etməyən müsəlmana, yaxud da məsihiyə ) vermək olarmı? Xahiş edirik, imkan olsa, başqa müctehidlərin də nəzərini bildirəsiz...Əvvəlcədən minnətdarıq..
Ad: Abdulla, Ölkə: Rusiya, Müctəhid: Ayətullah Sistani

Bismillahir-rəhmanır-rəhim
Heyvan şəri qaydalara uyğun olmayan halda kəsildikdə haram olmasından əlavə murdar da olur və murdar qida maddəsini, hətta onu pak və halal bilənlərə də satmaq, yaxud hədiyyə etmək icazəli deyil.
http://sual.nur-az.com/az/
Öz suallarınıza cavab almaq üçün bizim saytımıza etimad etdiyinizə görə təşəkkür edirik.
Allahdan sizə xöşbəxtlik və müvəfəqiyyət arzulayırıq

Sual (218) : Salam...1) Toyuğu üzü qibləyə və s. deyilmiş şərtlər olmaqla balta ilə kəsmək olarmı? 2) Eşitdiyimizə görə İran qara ikra ixrac edir..Həmin ikra halıaldırmı və o hamsı balığın ikrasıdır? Əvvəlcədən təşəkkür edirik..
Ad: Abdulla, Ölkə: Rusiya, Müctəhid: Ayətullah Xamenei

Bismillahir-rəhmanır-rəhim
1. Bəli, əgər tamam şərait olsa, iti balta ilə boynunun qabaq tərəfindən 4 damarı birdəfəyə kəsməklə eybi yoxdur. Əsas odur ki, iti dəmir vasitəsilə kəsilsin. Bu vasitənin bıçaq, yaxud balta, ya digər alət olmasının bir fərqi yoxdur.
2. Hansısa ölkənin idxal və ixrac məsələlərini araşdırmaq bizim saytımızın vəzifəsi deyil və saytımızda yalnız şəri hökmlərə cavab verilir.
Balığın kürüsünün hökmü onun özünün hökmünə tabedir. Yəni əgər balıq pulcuqlu olarsa, onun kürüsü də halaldır. Əgər balıq pulcuqsuz olsa, onun kürüsünün yeyilməsi haramdır.
http://sual.nur-az.com/az/
Öz suallarınıza cavab almaq üçün bizim saytımıza etimad etdiyinizə görə təşəkkür edirik.
Allahdan sizə xöşbəxtlik və müvəfəqiyyət arzulayırıq.

Sual (219) : Salam. Pulcuğu olmayan balıqların yağından hazırlanmış vitaminli dərman məhsullarını qəbul etmək olarmı? Məsələn, "AquaMarine, Omega3+Cod Liver Oil, Böyük Britaniya istehsalı" P.S. İran İslam Cumhuriyyətində bu tipli dərmanların idxalı və istifadəsi qadağan edilməyib.
Ad: Ramik, Ölkə: Azərbaycan, Müctəhid: Ayətullah Sistani

Bismillahir-rəhmanır-rəhim
Əgər həmin xəstəliyin müalicəsi üçün halaldan hazırlanmış dərman olmasa, qeyd etdiyiniz dərmanlardan müalicə məqsədilə istifadə etməyin eybi yoxdur.

Öz suallarınıza cavab almaq üçün bizim saytımıza etimad etdiyinizə görə təşəkkür edirik.

Allahdan sizə xöşbəxtlik və müvəfəqiyyət arzulayırıq.

Sual (220) : koka kolanin terkibinde spirt oldugun esitmisem bu dogrudur?
Ad: naqi, Ölkə: azerbaycan, Müctəhid: Ayətullah Xamenei

Bismillahir-rəhmanır-rəhim
Coca colanın tərkibində spirtin olub-olmaması bizim üçün məlum deyil və ümumiyyətlə, bunu araşdırmaq mükəlləfin öz vəzifəsidir.
Əgər bu içkinin tərkibində spirt, yaxud digər haram və murdar bir şey olması sizin üçün məlum olmasa, onu içməyin öz-özlüyündə eybi yoxdur.

Öz suallarınıza cavab almaq üçün bizim saytımıza etimad etdiyinizə görə təşəkkür edirik.

Allahdan sizə xöşbəxtlik və müvəfəqiyyət arzulayırıq.