Bismillahir-rəhmanır-rəhim

1. Şiə məzhəbi eynilə həzrət Əlinin (ə) Peyğəməbrdən (s) aldığı həqiqi İslam dinidir; məsum imamlar (ə) xüsusilə İmam Baqir (ə) və İmam Sadiq (ə) bu dini öz tərəfdarlarına öyrətdilər. Peyğəmbərin (s) sünnəsi məsum imamlar (ə) vasitəsilə bizə çatdığı üçün həqiqi əhli-sünnət şiələrdir. Çünki onlar Peyğəmbərin (s) həqiqi sünnəsinə əməl edirlər və bu həqiqi sünnə də məsum imamlar vasitəsilə bizə gəlib çatıb. Məsum imamlar (ə) bu sünnəni həzrət Əlidən (ə) alıblar hansı ki, həzrət Əli (ə) Peyğəmbərin (s) dövründə yaşayıb, Peyğəmbərin (s) yardımçısı, qardaşı və canişini idi.

Amma sünnü təriqətləri Peyğəmbərin (s) vəfatından neçə illər sonra peyda oldu və bu təriqətlərin banilərinin heç biri Peyğəmbərin (s) dövründə yaşamayıb və yalnız öz eşitdikləri ya ictihad etdikləri sözlərə əsaslanıb təriqət yaratdılar.

Bilmək lazımdır ki, həzrət Əlinin (ə) tərəfdarlarına Peyğəmbər (s) özü "şiə" adını vermişdir. Peyğəmbərin (s) dövründə bir çox səhabələr həzrət Əlinin (ə) şiəsi kimi tanınırdı.

Sünnü hədislərində də deylir ki, Peyğəmbər (s) həzrət Əliyə (ə) işarə edərək buyurdu: "Əli və onun şiələri qiyamət günü nicat tapacaqlar".

"Bəyyinə" surəsinin 7-ci ayəsinin təfsiri barədə "Əd-Durrul-mənsur" adlı təfsir kitabına müraciət edilsin.

2. Günorta azanından sonra səfərə getsə orucuna heç bir xələl gəlmir. Amma əgər günortadan əvvəl səfərə getsə və şəri məsafədən az bir məsafəni qət etsə yenə də orucuna heç bir xələl gətirmir. Şəri səfər deyiləndə insanın təqribən 44 kilometr məsafəni getmək niyyətində olması və yaxud 22 kilometr getmək və 22 kilometr qayıtmaq niyyətində olması nəzərdə tutulur. Məsafəni elə bir yerdən hesablamalıdır ki, insan həmin yerə çatanda ürf onu artıq müsafir hesab etsin və bu da adətən şəhərin axır hissəsidir. 

http://sual.nuraz1.in/az/35/M%C3%BCxt%C9%99lif-m%C9%99s%C9%99l%C9%99l%C9%99r/
Öz suallarınıza cavab almaq üçün bizim saytımıza etimad etdiyinizə görə təşəkkür edirik.
Allahdan sizə xöşbəxtlik və müvəfəqiyyət arzulayırıq