Bismillahir-rəhmanir-rəhim.
Əbu-Hüreyrə nəql edir ki, həzrət Peyğəmbər (s)buyurmuşdur: “Məsih yer üzündə qırx il qalacaq, vəfatından sonra müsəlmanlar onun üçün namaz qılacaq.”[1]
2. Abdullah ibn Ömər nəql edir ki, peyğəmbər buyurmuşdur: “İsa ibn Məryəm yerə enər, izdivac edər və övlad sahibi olar.”[2]
Kuleyni və Müfid Əbu-Bəsirdən, Əbu-Bəsir isə imam Sadiqdən (ə) belə nəql edir: “Qaim qiyam edən vaxt Məscidül-həramı əvvəlki şəklinə salacaq, Məscidun-nəbiyə əvvəlki görkəmini qaytaracaq...”[1]
Əvvəla, bu rəvayət Şeyx Müfid, Kuleyni, Şeyx Tusi tərəfindən nəql olunsa da, mötəbər sənədə malik deyil və ona istinad etmək olmaz.
İkincisi, həzrət Mehdi (ə) şiə və sünnilərin etimad göstərdiyi şəxsdir. Şiələr onu həm də məsum sayır. Belə bir şəxsin edəcəyi iş kimsədə şəkk-şübhə yaratmamalıdır.
Üçüncüsü, rəvayəti düzgün saysaq, onu belə izah edə bilərik ki, zalım hakimlərin dövründə bu iki məscid haram pullarla zinətləndirilmişdir. Zülmün əsərlərini aradan götürmək üçün bu zinətlər ləğv edilə bilər.
Dördüncüsü, “Səhihi-Müslimdə” nəql olunmuş rəvayətə əsasən həzrət Peyğəmbər (s) Kəbə evini yenidən bina etmək istəmişdir. Amma insanlar İslamı təzəcə qəbul etdiyindən bu fikrindən daşınmışdır.
Allah sizə yar olsun.
[1]“Kafi”, c. 4, s. 543.
Ad: samiyusuf, Ölkə: azerbaycan, Müctəhid: Ayətullah Xamenei
Əleykumus-salam.
Əlbətdə bəzi fərqlərdə olacaq Allahın izni ilə İmam (ə) həm zahirə və həmdə batinə hökm edəcək Hz. Davud peyğəmbər kimi. Amma Hz. Peyğəmbər (s) isə təkcə zahirə hökm edirdi. Allah-təalanın iradəsi ilə bütün hökmlər icra olunacaq. İnsanlarda fərqli olacaq, əqillər kamilləşəcək insanlar zülmdən bezib ədaləti axtaracaqlar. Hz. İsanın iştirakı ilə çoxsaylı məsihi dünyası hidayəti olacaq.
Əleykumus-salam.
Bəziləri bu əqidədədirlər ki, imam Mehdinin (ə) zühurundan öncə zalım hakimlərə qarşı qiyam qaldırmaq haramdır. Onlar imam Sadiqdən (ə) nəql olunmuş bir rəvayətə istinad edirlər. Həmin rəvayətdə buyurulur: “Qaimin qiyamından öncə ucalan hər bir bayraq sahibi zalım hakimdir və Allahdan qeyrisinə ibadət edir.”[1] Bu barədə nə demək olar?
1. Bu rəvayət ümumi şəriət üsulu, o cümlədən əmr be məruf və nəhy əz münkər (yaxşılığa əmr və pisliyin qadağası) və cihad hökmlərinə ziddir. Çünki bu üç hökmün mərtəbələri var və bu mərtəbələrdən biri qiyamdır.
2. Bir çox rəvayətlərin mənbəsi ilə bağlı problemlər var.
3. Bəzi rəvayətlərdən məlum olur ki, imam külli olaraq inqilabların mümkünlüyünü inkar etmir, sadəcə, onların son hədəfə çatmayacağını bildirir. Necə ki, Zeydin və Muxtarın qiyamları son hədəfə çatmadı.
4. İnqilaba çağırış iki qisimdir: Kimi Əhli-beyt hakimiyyətinin bərpasına çağırır və belə bir çağırış batil deyil.
Bir digəri şəxsi məqsədlərini həyata keçirmək üçün batilə dəvət edir. Beləcə, şəriət və Əhli-beyt imamətini müdafiə üçün qaldırılmış qiyamlar uyğun rəvayətlərdə nəzərdə tutulmur. Həzrət Zeynəl-Abidindən (ə) Muxtarın qiyamı haqqında soruşulduqda buyurdu: “Qara bir qul bizə yardım üçün ayağa qalxsa, ona yardım göstərmək vacibdir.”[2]
İmam Sadiq (ə) buyurmuşdur: “Bəni-Haşimdən on iki nəfər qiyam qaldırıb xalqı dəvət etməyincə Qaim zühur etməyəcək.”[3]
Bismillahir-rəhmanir-rəhim.
Əleykumus-salam.
Cəmkəran məscidi İmam Zamanın (ə) göstərişi ilə tikilib. Amma ordakı quyu isə son zamanlarda düzəlib və heç bir müqəddəsliyi yoxdur sadəcə insanlar İmama (ə) olan ərizə və məktublarını atmaq üçün yaradılıb. Rəvayətlərdə sifariş olunub ki, hacətiniz olduqda İmamı niyyyət edib ərizə yazın çaya ya bir quyuya atın. Məktublar İmama çatdırılmır. Amma Allahın izni ilə İmam yazılanlardan xəbərdardır.
Həzrət Mehdiyə (ə) ərizə yazmağın mümkünlüyünü sübuta yetirən müəyyən dəlillər vardır:
1. Ərizə yazılması həzrət Mehdiyə (ə) təvəssül növlərindən biridir. Bu iş dini mənbələrdə müstəhəb işlərdən sayılmışdır.
2. Böyük dini şəxsiyyətlər bu işi görmüş və onun bərəkətindən faydalanmışlar. Mühəddis Nuri “Nəcmus-Saqib” kitabında bu mövzuda maraqlı bir əhvalat nəql edir.[1]
3. Kəfəmi “Əl-Misbah” və “Əl Bələdul-əmin” kitablarında ərizənin hansı qaydada yazılmasını açıqlayır. Məlum olur ki, imama ərizə yazılması qanuni bir işdir.[2]
Mərhum Məclisi buyurur: “Ərizəni atarkən belə xəyal etsin ki, bu məktubu xüsusi naibə təhvil verir.”[3]
Şeyxul-Taifə Əbu-Cəfər Tusi “Misbahul-Mutəhəccid” kitabında deyir: “Allaha ünvanlanmış məktub yazılır, bükülür və sonra həzrət Bəqiyyətullaha digər bir məktub yazılır...”[4] Sonra alim hər bir ərizənin yazılma qaydasını göstərir.
Şeyx Səduq nəql edir ki, imamın naiblərindən biri olan Əbil-Ədyan deyir: Həzrət Əskəri (əleyhissalam) məni çağırtdırıb məktubların cavabını mənə verdi ki, Mədainə aparam. Buyurdu ki, 15 gündən sonra qayıdacaqsan, görəcəksən ki, mən şəhid olmuşam. Soruşdum: Yəbnə Rəsulillah! Sizdən sonra İmam kimdir? Buyurdu: “Mənim cənazəmə namaz qılan şəxs məndən sonra İmamdır.”
Dedim: Yenə də onun əlamətlərindən bir neçəsini buyurun.
Həzrət buyurdu: “Məktubları səndən istəyəcək. Kisələrdə nə qədər pul olduğunu deyəcək.
İmamın əzəməti mənə imkan vermədi ki, bundan artıq sual edəm. Mədainə getdim. On beşinci günü qayıtdım. İmam Əskəri (əleyhissalam) şəhid olmuşdu. Qəbrin yanında Həzrətin cənazəsinə qüsul verirdilər. Çox çəkmədi ki, İmamın qardaşı Cəfəri çağırdılar ki, cənazə hazırdır, gəl namaz qıl!
Mən bilirdim ki, Cəfər fasiq və cahil adamdır, onun imamətə ləyaqəti yoxdur. Bu zaman məni şübhə götürdü. Birdən ay parçasına bənzər bir cavan qabağa gəldi. Cəfəri kənara çəkdi və cənazəyə namaz qılmağa başladı. Bu işdən hamı təəccübə gəlmişdi, o cümlədən Cəfərin özü. Cavan namazı qıldıqdan sonra üzünü Əbil-Ədyana tutub buyurdu: “Məktubların cavabını ver.”
Çox çəkmədi ki, Qumdan bir neçə nəfər gəldi. Onlar İmam Həsən Əskəri (əleyhissalam)-ın canişini istədilər. Cəfər özünü canişin kimi tanıtdırmaq istədi. Onlar dedilər: Biz özümüzlə pul və məktub gətirmişik. Əgər İmamsansa, gərək məktubların kimdən olduğunu və kisələrdə nə qədər pul olduğunu deyəsən. Onların sahibi kimdir? Çünki Həzrət Əskəri (əleyhissalam) bunların hamısını bizə deyərdi.
Cəfər təəccüblənərək dedi: Ey əcəba! Camaat məndən qeyb istəyir!
Bu zaman İmam Həsən Əskəri (əleyhissalam)-ın evindən bir qadın çölə çıxdı. İmam Zaman (əleyhissalam)-ın tərəfindən məktubların sahibini və kisədəki pulların miqdarını dedi, məktubları və pulları götürüb evə daxil oldu. O vaxtdan başlayaraq xəlifə və onun ətrafındakılar üçün şübhə və qorxu yarandı.
