Sualınızı göndərin
Sual (31) : Salam aleykum... Arif tek irfanla mesgul olanlara deyilir? Basqa kimlere arif deyilir? Allah sizden razi olsun

Bismillahir-rəhmanir-rəhim.

Əleykumus-salam.

İrfan nədir və arif kimdir və irfani məqamlara çatmağın üsulları nədir sualının cavabında Ayətullah Behcət (Allah ona qəni-qəni rəhmət etsin) buyurmuşdur: Ən ümdəsi şəri vəzifəyə əməl etməkdir. Səmavi göstərişlərə əməl etmək insana həqiqi irfanı bəxş edir və elə bir məqama çatan şəxs “Mən yalnız gördüyüm Allaha ibadət edərəm” deyir. Həqiqi irfan bütün şəriət hökmlərini yerinə yetirmək və ən başlıcası isə həm əqidə və həm əməl etibarı ilə günahları tərk etməkdir.

Arif o kəsə deyilir ki, ruhi və mənəvi saflıqla qarşısındakı maneələri kənara qoyub həqiqəti öz vücudu ilə dərk etmiş olsun.
Çünki irfan ilahi əzəməti qəlbin gözü ilə müşahidə etməkdən ibarətdir. Əlbətdə ki ariflərin məqamı addi möminlərin məqamından yüksəkdir. Çünki arif, qəlbində ilahi hikmət çeşməsi olan möminə deyilir.

Allah sizə yar olsun.

Sual (32) : Bismillah. Səlam aləykum və rahmətullah! Nəfslə mübarizə üçün ən təsirli duanı (ərəbcə yazılışı, oxunuşu və bizim dildə tərcüməsi) yazardınız zəhmət olmasa. Allah sizi müvəffəq etsin!
Bismillahir-rəhmanir-rəhim.

Əleykumus-salam.

Nəfslə mübarizədə təkcə dua ilə kifayətlənməyin, gərək əməldə və qəlbdədə nəfslə mübarizə edilsin. Hər halda ariflər nəfslə mübarizədə və ümumiyyətlə hər çətinliyə düşəndə səcdəyə gedib yunisiyyə zikrini davamlı deməyi tövsiyə edirlər: “La ilahə illa əntə subhanəkə, inni kuntu minəz-zalimin.”
«لا اله الا انت سبحانک انی کنت من الظالمین»
(Səndən başqa bir məbud yoxdur. Sən paksan, mənsə zalımlardan oldum).

Allah sizə yar olsun.

Sual (33) : assalamu aleykum ve rehmetullah beraketuh aga menim icimde pis cirkin sozler daniwan biri varmiw kimi menim beynimi yeyir o cirkin sozler bezende cox tesir edir mene bu sozler menim niyyetimde gozel Allahin raziligini.qazanmaq ucun fikirler var ama icimde ki sesler meni gunu gunden gunaha salar deye qorxuram bu neden ireli gelir nolarki bir komek olun mene
Ad: eqidem sie, Ölkə: sualim , Müctəhid: Ayətullah Xamenei
Bismillahir-rəhmanir-rəhim.
Əleykumus-salam.
Pis fikirlər şeytanın vəsvəsəsidir ki, müxtəlif amillər buna yol açır. Fəsad yaradan və mənfi təsir qoyan filmlər, kitablar, jurnallar və s. kimi təhrik edici amillərdən, həmçinin günaha aludə məclislərdən, pis dostlardan, hətta təhrik edici görüntülərdən çəkinin. Boş vaxtlarınızı mütaliə, zikr deməklə, iş və s. ilə doldurun. Allaha təvəkkül edin. Hər gün müəyyən qədər idmanla məşğul olun. İnşallah, nəfsi istəklərə və şeytanın vəsvəsələrinə qalib gələrsiniz. Biz də sizin uğurunuz üçün dua edəcəyikPis şeylər insanda pis fikirlər yaradar. Əli (ə) buyurub: “Pis və şər adamlarla həmsöhbət olmaq, oturub-durmaq insanın yaxşılara qarşı bədbinlik və bədgümanlığına səbəb olacaqdır”.
Zehn və fikirlərinizi müdiriyyət edin, pıs fikr gəldikdə dəstəmaz alıb Quran oxuyun ya salavat çevirin,
vəsvəsələr zamanı Ayətəl-Kürsü, Fələq və Nas surələrin zikr edin.
 Ruhumuzu Allah-Taalanın zikri, iman və təqva ilə gücləndirməli, ağıl və fikrimizi hikmət, ilahi mərifət ilə doydurmalıyıq ki, pislər, pis fikirlər bizim ağıl və ruhumuza sahib çıxmasınlar.
Namaz əsnasında yad fikirlərin zehnə gəlməməsəindən ötrü namazdan əvvəl zehni dolaşıq fkirlərdən təmizləmək lazımdır. Yəni insan gün ərzində hər bir addımına diqqət etməli, yalnız Allahın razılığını nəzərə almalıdır. Belə olan halda insan namazda diqqətli olar və ibadətdən ruh ala bilər. Habelə pis fikirlərin zehndən getməsi üçün Allaha təvəssül, səmimi qəlbdən onların yox olması üçün dua etmək lazımdır.
Allah sizə yar olsun.
Sual (34) : Salam aleykum. Sizden xaiş edirem 3 sualıma etraflı cavab veresiz. 1. Şehvet ve qezebi insan nece öz ixtiyarına ala biler ki qabağına şehvet ve qezeb günahı çıxanda insanın gücü olsun ki günahdan serbest şekilde uzaqlaşsın? 2. Allahın istediyi kimi edebli olmaq üçün neleri terk etmek neleri menimsemek lazımdır? Ümumiyetle ne etmek lazımdır ki Allah istediyi kimi edebli olasan 3. Riya dan azad olmaq üçün ne etmek lazımdır. Çox xaiş edirem etraflı cavab yazın. Elimden gelen duadır ki sizi çox dua ederem.

Bismillahir-rəhmanir-rəhim.

Əleykumus-salam.

1. Bu meylləri Allah yaratdığı üçün onu birdəfəlik boğmaq düzgün deyil. İnsan nəslinin davamı üçün zəruri olan bu meylə, sadəcə, nəzarət etmək lazımdır. İştaha olmasa, insan acından ölər, qəzəb olmasa yaşamaq uğrunda mübarizə olmaz şəhvət olmasa, insan nəsli kəsilər. Amma ehtirası halal yolla təmin etmək lazımdır. Ehtiras qaz balonu kimidir. Düzgün istifadə edilsə fayda verər, nəzarətsiz qalsa partlayışa səbəb olar.
Əxlaq alimləri belə hesab edirlər ki, insanı günaha sövq edən ən mühüm amil şəhvət və qəzəbdir. Çünki, şeytani vəsvəsələr hər şeydən əvvəl qəzəb və şəhvət hislərinə mənfi təsir göstərir.
İnsan qəzəb və şəhvətin yaratdığı günahdan uzaq olmaq üçün günaha şərait yaradan mühitdən uzaq olmalıdır. Əgər bir yolda təhlükə gözlənilirsə bu yoldan kənarlaşmaq lazımdır. Bəzən magistral yollarda sürücünü qarşıdakı təhlükədən xəbərdar edən lövhələr asılır. Tufanlı günlərdə mütəxəssislər dənizə çıxmamağı məsləhət görür insanı günaha batıra biləcək şəraitlər də bu sayaq qorxuludur və insan günah ehtimalı olan mühitdən qaçmalıdır.
Çünki belə mühitlərdə tüğyan etmiş qəzəb və şəhvəti cilovlamaq çətin olur. Ən yaxşısı günah mühitinə düşməməkdir.
Ümumiyyətlə, günah mühitinə yaxınlaşmamaq ümumi dini göstərişlərdən biridir. Qəzəb və şəhvət doğuran səhnələrdən, musiqilərdən, sözlərdən, baxışlardan çəkinən insanın günaha batma ehtimalı çox azdır.
Həzrət Məsihdən (ə) qəzəbin səbəbini soruşduqda buyurdu: «Qəzəbi törədən üç səbəb var: qürur, eqoistlik və digərlərini səviyyəsiz hesab etmək».
Həzrət Peyğəmbərin (s) Əmirəl-möminin Əliyə (ə) ünvanladığı tövsiyələrdə oxuyuruq: «Qəzəblənmə, qəzəbləndikdə əyləş və Haqqın bəndələrini əhatə edən qüdrəti haqqında düşün. Qəzəbləndiyində sənə «Allahdan qorx!»-deyə söyləsələr, qəzəbi bir kənara qoyub, normal vəziyyətə qayıt».
2. Ədəb ağıl və şəriət nəzərincə əməl edilməsi gözəl rəftarlardan biridir.Ədəb üstünlükləri olan rəftarda gerçəkləşir. Ədəb bəyənilmiş rəftara xasdır. Əgər rəftarın əsası bəyənilməzdirsə, onun, ədəbli surət ola bilməz.
Həzrət Peyğəmbəri-Əkrəm (s) buyurmuşdur: “Qurani-kərim bir İlahi ədəb məktəbidir. Bacardığınız qədər onun ədəb qaydalarını öyrənin.”
 3. İmam Əli (ə) buyurmuşdur: “Riyanın üç əlaməti vardır: Camaat onu görəndə sevinsin, tək olanda (ibadətə qarşı) süst olsun və camaatın onu tərifləməsini istəsin.” 
Ayətullah Behcətdən “riya”, “ücb”, “kibr”, və “şəhvətin” əlacı barədə  soruşurlar.
 Cavabında buyuyrur: Bütün bu rəzil sifətlərin mənşəyi Allaha qarşı mərifətin (Allahı tanımağın) az olmasıdır. Bu sifətlər ibadətdə munislərin munisi Allah-təala ilə ünsiyyət yaratmaqla dəf olur. Əgər insan bilsə ki, Allah-təala bütün hallarda və zamanlarda hər yaxşıdan daha yaxşıdır, Onunla ünsiyyətdən ayrılmaz.”
Riyakar şəxs gərək bilsin ki, bütün insanların razılığını qazanmaq mümkün deyildir. Bundan əlavə, o, daim fikri pərakəndəlikdə və ruhi nigarançılıqda yaşayır. Başqalarının razılığını qazanmaq arzusunu fərz etdikdə belə, görəsən başqalarının xoşuna gəlməsinin onun halına nə faydası olacaqdır? Həqiqi fayda və ya zərər yalnız Allah-talanın əlindədir.
Allaha təvəkkül edin çalışın əməlləriniz gizlində olsun tainki riya tələsinə düşməyəsiz və şeytanda riya bəhanəsi ilə sizi xeyr işlərdən saxlamasın.
Allah sizə yar olsun.

Sual (35) : SALAM ALEYKUM SUALIMIZ BELEDIR INSHALLAH CAVAB GOZLAYIRIK ALLAH SIZDEN SIZI KIMIN INSANLARDAN RAZI OLSUN INSHALLAH SEMIMI QELBDEN TOVBE ETDIK HAR GUN KECMISHE BAXIB YADA SALDIQDA NE HIS KECIRDIYIMI RAHMAN VA RAHIM ALLAH BILIR! VE TOVBE ETDIKDEN SONRA BIR MUDDAT SONRA PIS PIS FIKIRLARLA QARSILASIRAM VE ELE BIR QORXU KECIRIREMKI ACIQLAYA BILMARAM FIKIRIMI INSHALLAH BASHA DUSERSIZ, VE BUTUN HEYATIMIMI ALLAHA BAGLAMISHAM, BU FIKIRLARDAN QURTARMAQ UCUN NE ETMELIYEM, MEN BASHA DUSUREMKI BU TEK MENDE DEIL BU HAL COX INSANLARDA OLAR, INSHALLAH ETRAFLI YAZARSIZ CAVABI VARSA BUTUN INSANLAR OXUYARLAR,ALLAH SIZDEN RAZI OLSUN
Ad: , Ölkə: GURCUSTAN, Müctəhid: Ayətullah Xamenei

Bismillahir-rəhmanir-rəhim.

Əleykumus-salam.

Siz öz fikirlərinizi yönəldin başqa səmtə, Allahın nemətləri, axirət aləmi, hesab ketab və s. Quran çox oxuyun mənasına fikir verin Allahı zikr edin həmişə dəstəmazlı olun.

Pis fikirlər şeytanın vəsvəsəsidir. Adətən pis fikirlər bekarçılıqdan irəli gəlir. Çalışın boş vaxtlarınızı mütaliə, kitab oxumaq, dini moizələrə qulaq asmaq. 

Həyatınızda proqram üzrə hərəkət etməyə səy edin, belə ki, səkkiz saat işə və dərsə, səkkiz saat istirahət və yatmağa, səkkiz saat ibadət, dua və mütəal Allahla raz-niyaza sərf edin. Heç vaxt bekar qalmayın, hətta faydasız iş tənbəllikdən və işsizlikdən yaxşıdır.

Habelə pis fikirlərin zehndən getməsi üçün Allaha təvəssül, səmimi qəlbdən onların yox olması üçün dua etmək lazımdır.

Çalışın keçmişi xatırlamayasınız, bir müddət belə fikirlərin zehnə gəlməsi təbiidir, inşəllah aradan gedər.

Allah sizə yar olsun.

Sual (36) : Salam.Əvvəllərdə səhv etmirəmsə iradə barəsində sizdən yardım almışdıq.Sulaım yenə iradəbarəsindədir.Allah dostlarından birinin əli ilə müridlik edən kəs seyri-sülukdə mərtəbələri qət etmək üçün nəfsi riyazətlərə qatlaşır və halına uyğun olaraq dəsturlara əməl edir.Amma bilirik ki,şeytan istənilən yolla həmin bəndəni yıxmağa çalışır və yıxılıb-durmalar olur.Bu yolu getmək üçün iradəni necə gücləndirmək lazımdır.Bəzən şeytanın arası durmaz hücumları insanda bu yolu getməkdə ümidsizlik yarada bilər.Hər halda bir bəndə seyri-sülukda iradəsini necə gücləndirməlidir.Hər hansı ibadəti etmək üçün iradəgöstərmək üçün necə edək?

Bismillahir-rəhmanir-rəhim.

Əleykumus-salam.

Bu yolda bir neçə şeyə diqqət etmək lazımdır. 1. İfrat və təfritdən çəkinmək, bəzən gözə görsənməyən adi bir əməl misal üçün insanın öz valideyninə, qohum əqrəbaya, dosta və qonşuya balaca bir köməyi, xoş rəftarı ya bir günahdan keçməyi insanın neçə günlük ibadətindən daha çox Allahın razılığına və kamala çatmağına səbəb olsun. Nəticədə bu yolda təkcə zikr və ibadəti mühüm saymayın, əsas vəzifəni tanımaqdır 2. Hər qədəmdə Allaha təvəkkül edib Əhli-beytə təvəssül edin, ziyarəti aşura və təvəssül duasını çox oxuyun 3. Çalışın əməldən qabaq niyyətinizi xalis edəsiniz bunun üçün çalışın riyadan və sumədən (başqalarına eşitdirməkdən) uzaq olun, heç vaxt öz nəfsinizdən və əməlinizdən razı qalmayın 4. Çalışmayı bir gündə bütün pərdələr gözünüzün önündən çəkilsin qapılar üzünüzə açılsın, bu tədrici olan işdir mümkündür bu mərhələyə çatmaq üçün illər boyu seyri-süluk etmək lazım olsun və bu məqama çatan ariflərdə bu yolu bir gecəyə getməyiblər illər boyu zəhmət çəkiblər 5. Gücünüz çatan qədər əməl edin, çalışın azla başlayasız amma davamlı və xalis olsun və hər vaxt hövsələniz və halınız olmasa özünüzü bir işə məcbur etməyin vacibə əməl və haramdan çəkinməklə kifayətlənin 6. Halal və şəri istirahət və əyləncələri özünüzə haram etməyin xüsusi ilə fiziki hərəkət və idmanla məşqul olmaq. Seyri-süluk bir növ idmandır və hər idmanda qəhraman olmaq üçün illər boyu ustadın nəzarəti altında təmrin etmək lazımdır.

Allah sizə yar olsun.

Sual (37) : Sual: SALAM ALEYKUM MENIM BEYNIME UREYIME PIS FIKIRLER GELIR NECE EDIM QELBIM TEMIZDENSIN BUNUN ZUKRI NEDI?

Bismillahir-rəhmanir-rəhim.

Əleykumus-salam.

Pis fikirlər şeytanın vəsvəsəsidir. Adətən pis fikirlər bekarçılıqdan irəli gəlir. Çalışın boş vaxtlarınızı mütaliə, kitab oxumaq, dini moizələrə qulaq asmaq, zikr deməklə səmərəli keçirdin. 

Həyatınızda proqram üzrə hərəkət etməyə səy edin, belə ki, səkkiz saat məşğuliyyət, səkkiz saat istirahət və yatmağa, səkkiz saat ibadət, dua və mütəal Allahla raz-niyaza sərf edin. Heç vaxt bekar qalmayın, hətta faydasız iş tənbəllikdən və işsizlikdən yaxşıdır. Yoldaşlıq etdiyiniz insanlara, qulaq asdığınız və baxdığınız şeylərə diqqət edin, pis şeylər insanda pis fikirlər yaradar. Əli (ə) buyurub: “Pis və şər adamlarla həmsöhbət olmaq, oturub-durmaq insanın yaxşılara qarşı bədbinlik və bədgümanlığına səbəb olacaqdır”.

Zehn və fikirlərinizi müdiriyyət edin, pıs fikr gəldikdə dəstəmaz alıb Quran oxuyun ya salavat çevirin, 
vəsvəsələr zamanı Ayətəl-Kürsü, Fələq və Nas surələrin zikr edin.
 Ruhumuzu Allah-Taalanın zikri, iman və təqva ilə gücləndirməli, ağıl və fikrimizi hikmət, ilahi mərifət ilə doydurmalıyıq ki, pislər, pis fikirlər bizim ağıl və ruhumuza sahib çıxmasınlar.

Namaz əsnasında yad fikirlərin zehnə gəlməməsəindən ötrü namazdan əvvəl zehni dolaşıq fkirlərdən təmizləmək lazımdır. Yəni insan gün ərzində hər bir addımına diqqət etməli, yalnız Allahın razılığını nəzərə almalıdır. Belə olan halda insan namazda diqqətli olar və ibadətdən ruh ala bilər. Habelə pis fikirlərin zehndən getməsi üçün Allaha təvəssül, səmimi qəlbdən onların yox olması üçün dua etmək lazımdır. 

Allah sizə yar olsun.

Sual (38) : Bismillah. Salam. Müraqibə və mühasibə halı haqqında bilmək istiyərdim. Allah elminizi cox eləsin və sizdən razı olsun!

Bismillahir-rəhmanir-rəhim.

Əleykumus-salam.

Mühasibə və müraqibə
Allah-taala mühasibə və müraqibə haqqında buyurur:”Göylərdə və yerdə nə varsa, (hamısı) Allaha məxsusdur. Siz ürəyinizdə olanı zahirə çıxarsanız da çıxarmasanız da Allah ona müvafiq sizinlə haqq-hesab çəkər.”
“Mühasibə” lüğətdə kiminləsə hesablaşmaq və “müraqibə” (bir şeyi qoruyaraq, əmanət olaraq) saxlamaq mə`nasındadır. Mühasibə dedikdə bizim məqsədimiz budur ki, insan itaətini və günahını hesab etsin, görsün hansı daha çoxdur. Əgər itaəti çox olsa, baxıb görsün itaətinin günahdan çox olması Allahın onun haqqında lütf etdiyi ne`mətlərə nisbətdə nə qədərdir. İnsanın vücudunun özü elə bir ne`mətdir ki, onun əzalarının yaradılışında saysız hikmətlər gizlənmişdir; belə ki, təşrih elminin alimləri öz fəhmləri və elmləri tutumunda neçə-neçə kitablarda onu şərh etmişlər. [Amma buna baxmayaraq] dəryadan bir qətrəni belə başa düşə bilməmişlər. [İnsanın vücuduna diqqətlə nəzər salsaq] nəbati və heyvani nəfs qüvvələrində çoxlu faydaların mövcud olduğunu görəcəyik, [insanın ruhuna nəzər salsaq] Allahın onu, mə`qulatı67 və elmləri öz zatı ilə necə də dərk edən, məhsusatı necə fəhm edən olaraq yaratdığını müşahidə edəcəyik, ə`za və qüvvələrini idarə edə bilməsi üçün ixtiyarında alətlər qoyduğuna şahid olacağıq. Həmçinin [Allah] ilk yaradılışdan insanın ruzisini müəyyən, onun inkişaf və bəslənməsi vasitələrini həm yuxarı aləmdən, həm də bu dünyadan hazır etmişdir.
Belə olan surətdə əgər [günahına nisbətdə ağır gələn] itaətini Allahın bütün bu ne`mətləri və digər sayagəlməz ne`mətlərilə müqayisə etsə, bütün hallarda özünün təqsirli olduğunu görəcəkdir. Necə ki, Allah buyurmuşdur:
“Əgər Allahın ne`mətlərini sayacaq olsanız, sayıb qurtara bilməzsiniz.”
Və amma, əgər onun itaəti və günahı bir həddə, bərabər olsa, bilməlidir ki, bu ne`mətlərin müqabilində heç bir bəndəlik etməmişdir və [belə olan halda] öz təqsirini aşkar görəcəkdir.
Və amma, əgər günahı itaətindən çox olmuş olsa.., vay halına!
Yenə vay halına! Buna görə də kamalın tələbində olan əgər özü ilə bu cür mühasibəni aparsa, onda itaətdən başqa bir şey olmayacaqdır. Və baxmayaraq ki, ancaq itaət edir yenə də özünü müqəssir görəcəkdir. Buna görə də Peyğəmbəri-əkrəm (s) buyurmuşdur: “Sizi mühasibəyə çəkməmişdən öncə özünüzü mühasibə edin.”
Əgər bir kəs özünü mühasibə etməsə günah bataqlığına düçar olar, bu ayənin əsasında ki, buyurur: “Heç kəsə əsla haqsızlıq edilməz. Bir xaldal dənəsi ağırlığında olsa belə, onu (hər hansı bir əməli tərəziyə) gətirərik. Haqq-hesab çəkməyə Biz kifayətik!”  –  [onu haqq-hesaba çəksələr] mühasibə vaxtı şiddətli əzaba və böyük ziyana düşər. [Belə bir andadır ki]: “Heç kəs heç kəsin karına gələ bilməsin (heç kəs heç kəsə öz əməlindən bir şey verə bilməsin), heç kəsdən şəfaət (bu və ya digər şəxsin günahlarının bağışlanması barəsində xahiş, iltimas) qəbul olunmasın...” Belə bir gündən Allaha pənah aparırıq!
Və amma “müraqibə”, insanın yaxşı əməllərini batil edəcək hərəkətlərin baş verməməsi üçün batinini və zahirini həmişə qoruyub saxlamasıdır, yə`ni həmişə öz əhvalına diqqət yetirməlidir ki, məbada gizlində və aşkarda günah iş görər, ya istər kiçik, istər böyük bir şey onu haqq yolun yolçuluğundan saxlayar. Bu ayəni həmişə xatirində saxlamalıdır ki, buyurur: “Bilin ki, Allah sizin qəlbinizdə olanı bilir. Ondan qorxun.”
Beləliklə də [seyri-süluk yolunda insan] vüsal mərhələsinə, məqsədinə nail olar. 
“Övsafül-Əşraf” kitabından.

Allah sizə yar olsun.


Sual (39) : Salam.Seyri-sülukda insan nəfsini paklaya-paklaya yol gedir.Bu zaman insan hansı ilk addımlardan başlamalıdır və psixoloji rahatlıq əldə etmək üçün nələr etməlidir?

Bismillahir-rəhmanir-rəhim.

Əleykumus-salam.

Hərəkətin başlanğıcı və hərəkətin müyəssər olması üçün lazım olan azuqə və yol tədarükü bu altı şeyə şamil olur:

İman, Səbat, Niyyət, Sidq, İnabət, İxlas.

İmam Sadiq (ə) buyurmuşdur: “Allah-taala rahatlıq və asayişi yəqin və razılıqda, qəm-qüssəni isə şəkk və tərəddüddə qərar vermişdir.”
İnsanın psixoloji durumu onun səadətini təmin edən ilkin amillərdəndir. Həyəcan, qorxu, qəzəb kimi ruhi təlatümlər xoşbəxtlik yolunda ciddi manielərdir. 
Əsrimizin insanları uyğun ruhi sarsıntılardan əziyyət çəkir, çox vaxt çıxış yolu tapmaqda aciz qalırlar. Hansı ki, öz bəndələrini əbədi səadət üçün yaratmış Allah-təala Qurani-kərimdə səadət yolunu belə göstərir: «Bilin ki, qəlblər yalnız Allahı zikr etməklə sakitlik tapar». 
Başqa bir ayədə belə buyurulur: «Bilin ki, Allahın dostlarının heç bir qorxusu yoxdur və onlar qəm-qüssə görməzlər». 
Allahın dostları kimdir? Ayədə övliya adlandırılan bu şəxslər, qəlblərindən dünya istəklərini çıxarmış, Allahı qəlb gözü ilə görən möminlərdir. Okean qarşısında dayanan şəxs üçün damlanın dəyəri heçdir. Günəşlə üz-üzə dayanan şəxs çırağa etinasızdır.
Qorxu nədən yaranır? İnsan, ixtiyarında olan nemətləri itirməkdən qorxur. İtirdikdən sonra isə qəm-qüssəyə batır. Dünya nemətlərinin əsarətindən azad olmuş övliyalar nə üçün qorxmalı və nə üçün də qəmlənməli imişlər?! Həzrət Əli (ə) övliyalar haqqında buyurur: «Əgər Allah onlar üçün ölüm vaxtını təyin etməsəydi, bir an olsun belə ruhları bədənlərində qalmazdı». 
Ruhi sarsıntılardan qurtarmaq üçün əyləncəyə, eyş-işrətə, musiqiyə, spirtli içkilərə, narkotikaya üz tutan və daha da dərin uçuruma yuvarlanan insanlar! «Bilin ki, qəlblər yalnız Allahı zikr etməklə sakitlik tapar».
Allah sizə yar olsun.
Sual (40) : assalamu aleykym! (insan 0zunu sevmeden, basqalarini sevmesi mumkun deyil} ozunu sevmek ne demekdir? umumiyyetleinsan ozunu nece seve biler?

Bismillahir-rəhmanir-rəhim.

Əleykumus-salam.

Özünü sevmək iki cür ola bilər ki, biri pisdir o bundan ibarətdir ki, insan özünü bəyənsin, qürurlansın və təkəbbürlü olsun. Özünü sevmək imandan və özünü tanımaqdan irəli gəlsə bu insanın inkişafına və müvəffəqiyyətinə səbəb olar və bəyənilir. Özünü sevən insan özünü tanıyır və Allahın ona bəxş etdiyi nemətləri doğru yolda istifadə edir, qədrini bilir, dünya və axirətdə öz səadəti və xöşbəxtliyi üçün çalışır. Özünü sevən insan həmişə öz mənfəətinin və xeyrinin ardıyca gedir ziyandan uzaq olur sanki bir tacir kimidir heçvaxt istəmir sərmayəsi əlindən çıxsın. Özünü sevən insan heç vaxt istəməz cəhənnəmə düşsün, cənnəti əldən versin və bütün xeyrlərin mənbəyi olan Allahdan uzaq olsun. Ümumiyyətlə insanın fitrətində və daxilində yaxşını, xeyri və gözəlliyi sevmək var.

Allah sizə yar olsun.

Sualınızı göndərin
Go to TOP