Bismillahir-rəhmanir-rəhim.
Əleykumus-salam.
Bu ayə bütlərə təvəssül etmək və şərik qərar vermək barədədir. Amma şiələr ilahi övliyalara təvəssül edirlər ki, onlara təvəssül etməyə Allah özü izn verib. Şiə əqidəsinə görə ilahi övliyalar sağdır və bərzəx həyatında Allahın izni və icazəsi ilə eşidirlər və görürlər. Şiələr imamların qüdrətini mütləq və müstəqil bilmirlər, əksinə Allah tərəfindən və Onun izni ilə olduğuna inanırlar.«Maidə» surəsinin 35-ci ayəsində buyurulur: «Ey iman gətirənlər, Allahdan qorxun. Ona yaxınlaşmaq üçün vasitə axtarın» («vəbtəğu iləyhil-vəsilə»).
Uyğun ayədəki «vəsilə» sözünün mənası çox genişdir. İnsanı Allaha yaxınlaşdıran bütün şeylər ‒ Allaha və Onun Rəsuluna (s) iman, cihad, namaz, zəkat, oruc, həcc, sədəqə və sair xeyir işlər bu yaxınlıq üçün vəsilədir.
Qeyd etdik ki, təvəssül vasitə axtarmaqdır. Peyğəmbərlərin, imamların, saleh bəndələrin şəfaəti də təvəssülə aiddir. Hətta Allahı peyğəmbərlər, imamlar və salehlərin məqamına and vermək, bu geniş mənaya daxildir.
Peyğəmbər və imamlara təvəssül, yəni onlar vasitəsi ilə Allaha yaxınlaşmaq o demək deyildir ki, insan insana ibadət edir, şirkə düçar olur. Yuxarıda qeyd olunduğu kimi, təvəssül nəinki Qurana zidd deyil, hətta ayələrlə təsdiqlənir. «Nisa» surəsinin 64-cü ayəsində oxuyuruq: «(Ya peyğəmbər) Onlar özlərinə zülm etdikləri zaman, dərhal sənin yanına gəlib Allahdan bağışlanmaq diləsəydilər və peyğəmbər də onlar üçün əfv istəsəydi, əlbətdə, Allahın tövbələri qəbul edən və mərhəmətli olduğunu bilərdilər».
Allah sizə yar olsun.
Bismillahir-rəhmanir-rəhim.
Əleykumus-salam.
Şübhəsiz, Allah tövbə ilə bütün günahları hətta şirki də bağışlayır. Amma o ki, qaldı Quranda şirk barədə ki, deyilir: "Şübhəsiz, Allah Ona şərik qoşulmasını (bu günahı, tövbəsiz) bağışlamaz və ondan başqasını (ondan başqa və ya aşağı günahları) istədiyi şəxs üçün (bəzi şərtlərlə, hətta tövbəsiz belə,) bağışlayar. Allaha şərik qoşan kəs, həqiqətən uzun-uzadı bir azğınlığa düşmüşdür. " Nisa surəsi 116. Bu tövbəsiz ölənlər haqqındadır.Məsumlardan nəql olan hədislərə əsasən hətta İmam Hüseynin (ə) qatilləridə tövbə etsələr Allah bağışlayar, amma belə cinayətə mürtəkib olanlar qəlbi möhürlənmiş insanlardır ki, onlar hidayət olmaz və tövbə etməyə müvəffəq olmazlar. Allah-taala bir çox ayələrdə o cümlədən Bəqərə surəsi 258-ci ayədə buyurur: ... Allah zalım qövmü əsla hidayət etmir.
Allah sizə yar olsun.
Bismillahir-rəhmanir-rəhim.
Əleykumus-salam.
Bu məsələ bəni-üməyyənin zamanında uydurulan yalanlardandır. Aişənin Peyğəmbərin (s) digər xanımlarına xüsusi ilə həzrət Xədicəyə olan qısqanmağı bu məsələnin ortaya çıxmasına səbəb olub. Peyğəmbərin başqa qadınlarına nisbətdə Aişənin üstünlüyü və fəzilətinə dəlil kimi əhli-sünnə bu məsələnin üzərində dayanır və gözlərini həqiqətə yumurlar.
Allah sizə yar olsun.
Bismillahir-rəhmanir-rəhim.
Əleykumus-salam. Əlbətdə vəliyyi-fəqihi Came Müdərrisin heyəti seçmir, onlar ələm müctəhidləri elan edirlər ki, təqlid edənlər heyrətdə qalmasınlar. Vəliyyi-fəqihi Xübriqan məclisi seçir ki, 100-ə yaxın alim onun üzvüdür ki, əksəri müctəhidlərdən ibarətdir. Xübriqanın üzvlərini isə camaat seçir. Böyük şəhərdən xübriqanın üzvi var. Əgər insanların təyin etdiyi nümayəndələr ki, alimlərdən ibarətdir, bir nəfəri vəliyyi-fəqih təyin edirlərsə, vəliyyi-fəqihi seçməkdə bu kifayət edir. Təbii ki, hər bir məsələdə müxalifət edənlərdə var. Birdə bəzi müctəhidlər hansısa bir xüsusi cəmiyyətin üzvü olmasalarda insanların seçiminə hörmətlə yanaşır və əksəriyyətin seçimi ilə razılaşırlar. Adini çəkdiyiniz müctəhidlərdə bu məsələdə müstəsna deyillər.Allah sizə yar
olsun.
Bismillahir-rəhmanir-rəhim.
Əleykumus-salam.
Birincisi, ayə bütün mühacir və ənsara şamil olmur. İkincisi, bizim əqidəmizə görə bütün səhabələr Peyğəmbərin (s) əmri ilə müxalifət etmədilər. Birdə ayədəki qabaqcıllar (sabiqun) ifadəsindən məqsəd zaman baxımından deyil, əksinə müsəlmançılıq xüsusiyyət və dəyərlərə sahib olanlar nəzərdə tutulur. Bu sözün sübutu Peyğəmbərin (s) sözüdür ki, buyurur: Biz müsəlmanlar ilahi dinlərin sonuncusu olsaqda birincilərdən (əvvəlun) hesab oluruq….. Bu hədis səhihdir və əhli-sünnət kitablarında gəlib və əhli-sünnət alimi olan Qürtəbi qabaqcılları belə məna edib bu hədisə istinad edir.
Allah sizə yar olsun.
Bismillahir-rəhmanir-rəhim.
Əleykumus-salam.
Xeyr, nəinki ərli qadınla evlənmək olmaz, ümumiyyətlə iddədə olan qadınla hətta təkcə əqd oxunulsa belə biri-birlərinə əbədi haram olurlar və əqddə batil hesab olur. Bu son zamanlar vəhhabilər tərəfindən şiələrə atılan böhtandır ki, heç bir əsası yoxdur.Allah sizə yar olsun.
Bismillahir-rəhmanir-rəhim.
Əleykumus-salam.
Əgər başqa qalaktikalarda yaşayış varsa , onlarında peyğəmbəri sonuncu peyğəmbər olan həzrət Muhəmməddir (s). Sivilzasiya dedikdə ola bilsin ki, yaşayış tərzində və texnologiya baxımdan ola bilər amma Allahı tanımaqda və ilahi mərifətdə Peyğəmbərdən (s) üstünü ola bilməz, çünki Allah özü Peyğəmbəri bu məqama çatdırıb.Allah sizə yar olsun.
Bismillahir-rəhmanir-rəhim.
Soy və nəsəbin qarışma ehtimalı məsələnin tam illət və səbəbi deyil, əksinə məsələnin bir tərəfi və bir səbəbdir.Allah sizə yar olsun.
Bismillahir-rəhmanir-rəhim.
Əleykumus-salam.
Əbu-bəkrin siddiq adlanması barədə olan hədislər ya cəli və yalandır və ya təqiyyə və məsləhət üzündən deyilib. Əhli-beyt məktəbində kiməsə təəssüb üzündən nə nalayiq sözlər deyirlər və nə də tərifləyirlər. İnsanlar ixtiyar sahibi olduğu üçün özü istəməsə heç kəs hətta Peyğəmbər (ə) belə onu hidayət və tərbiyət edə bilməz. Hətta hidayət etsə belə ona qarantiya verilmir ki, heç vaxt yolundan azmayacaq. Yaxşı olar bu məsələyə kor-koranə yox, rial baxaq. İnsanları əməlləri və əqidələri ilə qiymətləndirək. Bunu Quran bizə öyrədir ki, Allah yanında sevilmiş insan yalnız təqvalılardır. Peyğəmbərin (ə) tərbiyə və hidayətində heç kəsin şəkki yoxdur, çünki Hz. Əli (ə), Salman, Əbuzər və yüzlərlə nümunəvi insanlar yetişdirib.
Allah sizə yar olsun.
Əleykumus-salam.
Bəşşar Əsəd sünnidir, onun ələvi olma iddiası düzgün deyil. Bundan əlavə ələvilər əməldə əhli-sünnətə daha yaxındır.
Allah sizə yar olsun.