Sualınızı göndərin
Sual (61) : salam AGA.neml 82ci ayenin tefsirin yazin burda erebcede gelen debbeh sozu ne anlam dasiyir?

Bismillahir-rəhmanir-rəhim.

Əleykumus-salam.

وَإِذَا وَقَعَ الْقَوْلُ عَلَيْهِمْ أَخْرَجْنَا لَهُمْ دَابَّةً مِّنَ الْأَرْضِ تُكَلِّمُهُمْ أَنَّ النَّاسَ كَانُوا بِآيَاتِنَا لَا يُوقِنُونَ
Nəml 82. “Əgər (ilahi əzabla bağlı və’d və) söz insanlar üçün qətiləşsə, onlarla danışmaq üçün yerdən bir canlı çıxararıq və o deyər: “Həqiqətən, insanlar bizim ayələrimizə inanmırdılar.”

Nöqtələr
● Zahirən belə görünür ki, ayə Qiyamətdən öncəki cərəyandan danışır. Belə ki, Allahın qəzəbi labüdləşdikdə O Öz qüdrəti ilə yerdən canlı bir varlıq çıxarar, həmin varlıq insanlarla danışar və sözü də bu olar ki, insanlar iman gətirmir.
● “Dabbətən” dedikdə insandan qeyrisi nəzərdə tutulsa da, Qur’anda bu söz dəfələrlə insan mə’nasında işlənmişdir. Digər bir tərəfdən, ayədə nəzərdə tutulan varlığın sözü bütün kafirlər üçün dəlil olmalıdır. Qeyd etməliyik ki, bu söz mühüm bir şəxsiyyətə işarədir və rəvayətlərə əsasən həmin şəxs Əli ibn Əbi-Talibdir (ə).
● Bu ayə dünyanın sonunda qiyam qaldırıb, fövqəladə hərəkətlər edən, haqqı batildən, mö’mini kafirdən ayıran övliyalara da şamil olunur.
“Dabbətən” dedikdə kim və nə nəzərdə tutulur?
● Ayədə “dabbətən” adlandırılan mövcudun çox mühüm olduğunu göstərən nişanələr var:
1. O, ilahi qəhr-qəzəb astanasında zahir olar. Sözün mühüm qaynaqdan olması onun əhəmiyyətini göstərir.
2. İstisna bir formada peyda olar.
3. Danışar, mühakimə edər, xalqın gələcəyindən xəbər verər.
4. Onun sözü İsrafilin suru kimi sonuncudur.
5. “Dabbətən” sözünün tənvinlə (“ən” ilə) işlənməsi əzəmət və böyüklük göstəricisidir.
6. Növbəti ayə Allah övliyalarının Qiyamətdən öncə diriləcəyi rəc’ət məsələsini bəyan edir.
7. Ayədə “Allahın ayələri” yox, “bizim ayələrimiz” tə’birinin işlənməsi həmin mövcudun ilahi nişanələrini göstərir.
Ayənin zahirindən görünən bu nişanələri və təfsirlərdə nəql olunmuş çoxsaylı rəvayətləri ümumiləşdirdikdə belə bir nəticəyə gəlirik ki, uyğun tə’bir Həzrət Əliyə (ə) işarədir. Bəli, son sözü deməyə o layiqdir. Bə’zilərinin alnına imansızlıq möhürü vurub, azğınların pis aqibətini xəbər vermək onun şə’nindədir.
İKI SUAL
Sual: Məgər “dabbətən” sözü qeyri-insani bir varlığa aid deyilmi?
Cavab: Xeyr, Qur’anda bu söz dəfələrlə insana şamil edilmişdir. 
Sual: Məgər Həzrət Əlini (ə) “canlı” adlandırmaq onun alçaldılması deyilmi?
Cavab: Xeyr! Allahın “alim”, “nur”, “vücud”, peyğəmbərin “bəşər” adlandırılması təhqir olmadığı kimi, Əlinin də “dabbətən” adlandırılması təhqir deyil. Amma Allaha verilən adlar başqalarına verilən adlardan fərqlənir.
Allah sizə yar olsun.

Sual (62) : Quranin 23 -cu suresinin 52 53 54 ayeleri ne demek isteyir/ bezi firqeler bize irad tuturlar ki bu ayelere esasen sieler ve sunnuler islam dinini parcalayiblar ve haqq dinden cixiblar. onlarin bu sozunun qarsisinda cavab nedir ve bu ayelerin tefsirini sunnu ve sie qaynaqlarina esasen buyurmaqinizi xahis edirik

Bismillahir-rəhmanir-rəhim.

52. Və bu (din və İslam şəriəti), siz (peyğəmbərlərin və nəsilləri kəsilənədək sizin ümmətləriniz)in yeganə din və şəriət olan din və şəriətinizdir. (Çünki o, bütün şəriətləri özündə toplamış qüdrətli bir dindir ki, üsulid-din və füruid-dindən təşkil olunmuşdur. Şəriətlər arasındakı fərqlər və onların sayının çoxluğu bəzi hökmlər baxımındandır.) Və Mən sizin Rəbbinizəm. Buna görə də Məndən qorxun!

53. Beləliklə onlar (ümmətlər kitab və şəriətin nazil olmasının lap əvvəlindən bütün əsrlərdə öz alimlərinə tabe olub din) işlərini öz aralarında parçalayaraq firqə və dəstələrə bölündülər. Hər bir firqə əlində olana sevinir.

54. Buna görə də onları bir müddətədək (ölənə kimi) öz qəflət və keflilik burulğanında (vücudlarını bürümüş əqidə və əməl azğınlığı dəryasında) boşla.

Bildirişlər
1. Dini və ilahi dünya görüşünə əsasən əslində bütün ümmətlər vahid bir ümmətdir. Çünki:
–Bütün ilahi peyğəmbərlərin dəvət üsulu eynidir;
–İnsanların fitri, ruhani və fiziki ehtiyacları eynidir;
–Hamının Yaradanı və Rəbbi eynidir.
2. Təqva və haramlardan uzaqlıq Rəblik məqamına layiqdir.
3. Təfriqə tarixi keçmişi olan böyük bəladır.
4. Təfriqə yaratmaq təqvasızlıqdır.
5. Təfriqənin əsası insanlardakı eqoistlikdir.
Əlbətdə bu ayələr ilk növbədə bütün insanları bir ümmət hesab edib vəhdətə dəvət edir. Şiənində şüarı həmişə vəhdət olub və müsəlmanları vəhdətə dəvət edib. Şiənin iddiası budur ki, Peyğəmbərin (ə) buyurduğu kimi rəftar edib və onun haqq olan xəlifəsi İmam Əlidən (ə) təbəiyyət edir. Nəticədə şiə özünü islamdan ayrı bir firqə yox bəlkə əsl islam xəttində hesab edir. Peyğəmbərdəndə (s) nəql olunub ki, məndən sonra ümmət 73 firqəyə bölünəcək və onlardan yalnız biri nicat tapacaq. Şiələr Peyğəmbərimizin (s) mübarək mövludun vəhdət həftəsi qərar verib başqa firqələridə vəhdətə dəvət edir, amma təəssüf ki, onlar Peyğəmbərə (ə) mövlud keçirməyi belə qəbul etmirlər.
Allah sizə yar olsun.
Sual (63) : Es Salam Aleykum Qiyamət sürəsinin 22-23 ci ayələrində O gün neçə-neçə üzlər sevinib güləcək, Öz Rəbbinə baxacaqdır! Bu Ayələrdə nə demək istənir Vəhabilər Allahi görəcəklərini bu ayə ilə isbat edirlər bizim bunlara cavabımız nə olacaq Allah razı Olsun
Ad: Nurlu, Ölkə: Azerbaycan, Müctəhid: Ayətullah Xamenei

Bismillahir-rəhmanir-rəhim.

Əleykumus-salam.

Qiyamət 22. O gün neçə – neçə üzlər şad-xürrəm olacaq!

23. (Qəlb gözü ilə) öz Rəbbinə tərəf (və zahiri gözü ilə Onun cəlal və camal nişanələrini tam şəkildə təzahür və təcəssümünə) baxacaqdır.

Allahı görmək mümkün deyildir. Yalnız cisim gözə görünər. Allah isə cisim deyil. Demək, gözə görünməz. Çünki hər cisim məhduddur, öz şəklini dəyişir, nəhayət, mövcudluğunu itirir. (Allah isə həmişə vardır və olacaq).
Allahın məkanı yoxdur. Çünki məkan cisim xüsusiyyətlərindəndir.Allah isə cisim deyil. Deməli, məkanı da yoxdur.
Allah sizə yar olsun.



Sual (64) : Sad Suresinin 75-ci aye Tefsiri

Bismillahir-rəhmanir-rəhim.

Sad 75. (Allah) buyurdu: «Ey İblis! Sənə Mənim öz əlimlə (vasitəsiz olaraq Öz istəyimlə) yaratdığıma (Adəmə) səcdə etməyə nə mane oldu?» Təkəbbür göstərdin, yoxsa doğrudan da üstünlərdənsən?

Allah sizə yar olsun.

Sual (65) : Quranın bir sıra ayələrində, o cümlədən Cəsiyə surəsinin 6-cı ayəsində hədislərə inanmaq pislənilir. O zaman da hədislərə inanmaq problemi vardı

Bismillahir-rəhmanir-rəhim.

Hədisin leksik mənası söz deməkdir və Qurandada bu məna qəsd olunub. Həmçinin Allahın sözünün əleyhinə olan hədisdən söz gedir. Belə hədis istər adı söz olsun istər məsumlara nisbət verilsin qəbul olunmur. Hədislərin doğru olub olmamağının bir yoluda budur ki, Quranın əleyhinə olmasın.

Allah sizə yar olsun.

Sual (66) : assalamu aleykum! nur suresi 35 ayenin tesviri nedir?

Bismillahir-rəhmanir-rəhim.

Əleykumus-salam.

Ayə 35:

﴿اللَّهُ نُورُ السَّمَاوَاتِ وَالْأَرْضِ مَثَلُ نُورِهِ كَمِشْكَاةٍ فِيهَا مِصْبَاحٌ الْمِصْبَاحُ فِي زُجَاجَةٍ الزُّجَاجَةُ كَأَنَّهَا كَوْكَبٌ دُرِّيٌّ يُوقَدُ مِن شَجَرَةٍ مُّبَارَكَةٍ زَيْتُونِةٍ لَّا شَرْقِيَّةٍ وَلَا غَرْبِيَّةٍ يَكَادُ زَيْتُهَا يُضِيءُ وَلَوْ لَمْ تَمْسَسْهُ نَارٌ نُّورٌ عَلَى نُورٍ يَهْدِي اللَّهُ لِنُورِهِ مَن يَشَاء وَيَضْرِبُ اللَّهُ الْأَمْثَالَ لِلنَّاسِ وَاللَّهُ بِكُلِّ شَيْءٍ عَلِيمٌ﴾

“Allah göylərin və yerin nurudur. Onun nuru çırağı olan qəndil kimidir. Bu çıraq şüşə arasındadır və o şüşə parlaq bir ulduz kimidir. Bu çıraq çox bərəkətli zeytun ağacının yağından şö’lələndirilmişdir. O (ağac) nə şərqdə, nə də qərbdədir. (Onun yağı o qədər saf və şəffafdır ki,) az qalır od toxunmamış işıqlana. O digər bir nur üstə nurdur. Allah istədiyini Öz nuru ilə hidayət edər. Allah insanlar üçün məsəllər çəkir və hər şeydən agahdır.”

 Nöqtələr

●“Mişkat” dedikdəqəndil, çıraqqəfəsəsinəzərdətutulur. “Durriyy” sözüçoxnurlumə’nasınıbildirir. “Zeyt” dedikdəzeytunyağımə’nasıanlaşılır. (Bumaddəişıqlandırmavasitəsidir.)

●Nurhəmözüişıqlıdır, həmbaşqaəşyalarınişıqlanmasəbəbidir. İslamleksikonundabirneçəşey “nur” adlandırılmışdır. Ocümlədən: Qur’an, hədis, elm, əql, iman, hidayət, İslam, Peyğəmbər (s) vəmə’sumimamlar (ə).

●HəzrətƏli (ə) buyurur: “Eləbirşeygörmədimki, ondanöncə, ondansonravəonunlabirlikdəAllahıgörməmişolam.”

Səhraya boylandım, danışdı Səndən,

Suya nəzər saldım, yenə öndə Sən,

Göylərə, yerlərə, baxdımsa hara,

Gördüyüm hər zərrə Səninlə həmdəm. 

●“Allahgöylərinvəyerinnurudur”, yə’niAllahgöyüvəyerihidayətedəndir. Aydınladan, zinətverən, hadikiminuraaidbütünsəciyyələrdən “üstünhidayət” mə’nasıanlaşılır. Çünkidigərayələrdədəvarlığınhidayətiqeydolunmuşdur. “Nurüzərindənur” dedikdədaimivəardıcılhidayətnəzərdətutulur.

Bildirişlər

1. VarlıqaləmiAllahınfeyzi, Onunnurundanbirişartıdır. VarlığınmöhkəmliyivədavamıOndanasılıdır.

2. Allahınnuruhəmçox, həmdəsabitdir. (Şüşəhəmnuruçoxaldır, həmdənurusönməyəqoymur.)

3. Allahnurununişığıxariciqığılcımdanyox, OnunÖzzatındandır.

4. Zeytunmübarəkbirağacdır.

5. Zeytunağacıbağınortasındaolsavəbütüngüngünəşişığındanfaydalansa, onunyağıdahaçoxolar.

Allah sizə yar olsun.

Sual (67) : salam aleykum.Bilmek isteyiremki Quranikerimin hansi aye ve suresinde Allah buyurub qadinla kisi arasinda Eqd duasi oxunmazsa olarin evliliyi haramdir,zina hokmundedir?

Əleykumus-salam.

Nisa surəsi 24-25. Əlbətdə Quranda hökmlərin külliyyatı gəlib xırdalıqı isə hədislərdə qeyd olunub namaz kimi.
Allah sizə yar olsun.
Sual (68) : Salamu-aleykum. Mesumlar(e) Qurani-meciddeki "iman getirmisler" sirasindadirlar yoxsa onlarin imani ezelidir?

Bismillahir-rəhmanir-rəhim.

Əleykumus-salam.

Heç şübhəsiz, Qurani-məciddə bəyan olunmuş iman, cihad, ixlas, yəqin, gözəl əxlaq, saleh əməl, gündəlik ibadət, gecə ibadəti, sədaqət, vəfa, kərəm, səxavətin ən kamil nümunəsi Əhli-beytdir (ə).

Allah sizə yar olsun.

Sual (69) : Salam.Meryem 71 ayenin tefsirini yazardiz.Butun insanlar Cehennemden kececek deyende kimler nezerde tutulur.tesekkurler

Bismillahir-rəhmanir-rəhim.

Əleykumus-salam.

● Ayə 71:

﴿وَإِن مِّنكُمْ إِلَّا وَارِدُهَا كَانَ عَلَى رَبِّكَ حَتْمًا مَّقْضِيًّا﴾

“Sizlərdən cəhənnəmə daxil olmayan kəs yoxdur. Bu, Rəbbin tərəfindən olan qəti bir hökmdür.”

“Təfsire-Təbəri”də yazılır: Bir gün Abdullah ibn Rəvahə xəstə halda ağlayırdı. Zövcəsi də ona qoşulmuşdu. Abdullah soruşdu: “Sən nə üçün ağlayırsan?” Zövcəsi dedi: “Sən ağladığın üçün.” Abdullah dedi: “Məni ağladan Allah-təalanın” hamınız cəhənnəmə daxil olarsınız” buyruğudur. Mən bilmirəm ki, oraya düşdükdən sonra xilas olacağam, yoxsa yox?”

 Bu ayə Sirata aid ayə və rəvayətlərlə yanaşı mənalandırılmalıdır. Sirat cəhənnəm üzərindən salınmış körpüdür. Kimi asta, kimi iti - bütün insanlar bu körpüdən keçəsidirlər. Həmin vaxt bəziləri cəhənnəmə düşəsidir.

Həzrət Peyğəmbər (s) buyurur: “Qiyamət günü bütün insanlar cəhənnəmə daxil olar. Amma cəhənnəmin odu möminlərə zərər toxundurmaz. Necə ki, od həzrət İbrahimə təsirsiz idi.” Hamının cəhənnəmə daxil olacağını bildirən ayə ilə möminlərin cəhənnəmdən uzaq olduğunu bildirən ayələr arasında ziddiyyət yoxdur. Çünki cəhənnəmə daxil olan möminlərə Allahın lütfü sayəsində od zərər vurmaz.

Düşünmək olar ki, giriş dedikdə cəhənnəmə daxil olmaq yox, ötüb keçmək nəzərdə tutulmuşdur. Həzrət Musa haqqında deyilir: “Mədyən suyunun kənarına varid oldu.” Amma Musa suya daxil olmadı. (İmam Sadiq (ə) buyurur: “Əgər bir şəxs filan tayfanın suyuna varid oldu” deyirsə, suya daxil olmaq yox, suya çatmaq nəzərdə tutulur.

Ayədə “sizlərdən” deyərkən, ötən ayədə haqqında danışılan şeytanın tərəfdarları nəzərdə tutulur. Nicat tapan müttəqilər küfr və şirkdən nicat tapanlardır. Yəni şeytanın bütün havadarları cəhənnəmə daxil olsa da, kafirlər və müşriklər orada qalar, şirk və küfrə batmamış günahkarlar isə nəhayət cəhənnəmdən qurtularlar.

Allah sizə yar olsun.

Sual (70) : salam.bilmek isterdim ki" bildiyimiz kimi muteal Allah insani yaradanda melekler ondan sorushdular;:ya rebb ele birini yaradirsan ki,qan tokub gunah edecek;-sualim budur ki melekler bunu hardan bilirdiler? alimlerimizin fikri nedir? evvelceden teshekkur edirem.

Bismillahir-rəhmanir-rəhim.

Əleykumus-salam.

Rəbbin mələklərə - “Mən yer üzündə canişin qərar verəcəyəm”  dediyi zaman, mələklər dedilər: “Fəsad və qan tökənimi qərar verirsən?!. Biz sənə təsbih, həmd və təqdis edirik,”  Rəbbin buyurdu: Mənim bildiyim həqiqətlər var ki, siz bilmirsiniz. (Bəqərə surəsi, ayə: 30) 
İmam Sadiq buyurub: “Mələk, bəşərin yer üzündəki cinayətini bilirdi.  Yoxsa bəşərin yer üzündə fəsad törədəcəyini hardan bilirdi ki, Allahdan belə soruşurdu?!” 
Ayə və imam Sadiqdən (ə) olan rəvayətə diqqət edəndə
mələklər yer üzündə olan insanların keçimişdən xəbərdardır. Onlar bəşərin yer üzərndəki cinayətlərinin və qan tökmələrinin şahidi olub. O üzdən belə bir təəccüblə Allahdan soruşurlar.  Beləliklə də məlum olur ki, yer üzündə Admədən öncə insanlar yaşayıb. Bu barədə imamlardan (ə) çoxlu rəvayətər olunub ki, onlar yer üzündə Adəmdən öncə insanların yaşadığından xəbər verir.
Bu iddianı sübut etmək üçün o hədislərdən bir neçəsini nümunə olaraq sizə təqdim edirik:
Əbu Həmzə Somali imam Zeynülabidindən (ə) nəql edir:
Eşitdim ki, imam buyurdu: “Güman edirsiniz ki, Allah-taala sizdən başqa insan yaratmayıb?! Həqiqətən min-min adam, min-min aləmləri yaradıb və o aləmlərdən sonuncusunda yaşayırsan."
İmam Səccad, açıq şəkildə bildirir ki, indiki insan və indiki aləmdən öncə minlərlərcəsi yaranıb.   
İlk insanın və o aləmlərin yaradılışından, kim bilir nə qədər zaman keçir?!
Bu məzmunda rəvayət İmam Sadiqdən (ə) də rəvayət olunub.
İmam Baqir (ə) buyurub: “Allah-təbərək və təala, yeri yaradan bəri, onda yeddi aləm yaradıb. Onalrın heç biri, Adəmin nəslindən olmayıb. Onları, torpaqdan yaratdı və bir-birinin arxasınca yer üzündə qərar verdi. Sonra Adəmi yaratdı, arxasınca da onun nəslini və övladlarını."
Diqqət etmək lazımdır ki,  o yaradışlasrın birinin məhv olub digərinin yaranması arasında böyük zaman fasilələri var. Hər bir yaradışdan öncə yer, uzun müddət boş və sükunət halında olub.
sibtayn.com/az

Allah sizə yar olsun.

Sualınızı göndərin
Go to TOP