Nur-az.com - Sual cavab

Sual (1) : Salam.Gecə yuxuda danismagin gunahla elaqesi varmi? Indiden Tesekkurler.

Bismillahir-rəhmanir-rəhim.

Əleykumus-salam.

Şura surəsinin 30-cu ayəsində oxuyuruq:. Sizə yetişən müsibətlər özünüzün qazandığınız günahlara görədir və O, (hələ) onların çoxundan keçir.İnsanın başına gələn bəlalar və müsibətlərin müxtəlif səbəbləri vardır. Bəzən insanın günahlarının nəticəsidir. Bu qisim bəlalar möminin günahlarının kəffarəsi hesab olunur.
Amma yuxuda danışmağınsəbəbini əsəbi və psxoloji gərginliklərlə əlaqələndirirlər. Səbəbini isə belə izah edirlər ki, gün ərzində sözünü deyə bilməyən şəxslər gecə yuxuda danışırlar. Bu zahiri və məlum olan səbəbdir, mümkündür məlum olmayan səbəbləri də olsun. Günahın təsiri olub olmaması haqda hədislə qarşılaşmamışıq.
Allah sizə yar olsun.

Sual (2) : Salam.Iblis nece min il ibadet etdi,bes bu ibadetler niye onun ruhuna tesir gostermedi,onun dushmen olmasina mane olmadi? belke,ibadet hele her sheyi hell etmir,bashga nese olmalidir?. chox sag olun

Bismillahir-rəhmanir-rəhim.

Əleykumus-salam.

Dərman xəstənin sağalmağına o zaman kömək edir ki, xəstə zərər vericilərdən pəhriz etsin. Əgər pəhriz etməsə bəzən dərman ona xeyr əvəzinə xəstəliyini daha da artırır. Bəli, ibadət hər şeyi həll etmir, ibadətin kənarında nəfsi saflaşdırmaq lazımdır. Şeytan neçə illər ibadət etdi amma qəlbində təkəbbür var idi. Nə qədər ki, bu təkəbbür üzə çıxmamışdı, ibadət öz təsirini qoyurdu. Elə ki, Allah imtahan etdi, təkəbbürü aşkar oldu və ibadətlərinə görə qüruru daha çox oldu. Qəbul edilmiş xeyir əməl və ibadətlər, bir sıra afət və bəlalara malikdirlər və həmin afətlərin sonradan onları məhv edib aradan aparması mümkündür. Həmin afətlərin başında təkəbbür, inadkarlıq və həsəd durur. Baxmayaraq ki, hədislərdə təkəbbürü aradan qaldırmaq namazın əsas fəlsəfəsi kimi bəyan olunub, lakin bəzən namaz özü insanda təkəbbür yaradır. Çünki namaz qılan namazda Allahı yox özünü görür. Necə ki, islamda böyük cinayət törədən şəxslərin çoxusu namaz qılan idilər, lakin namazlarında Allahdan qafil idilər.

Allahsizə yarolsun.

Sual (3) : Salam elekum aga.Meselen bir insan pis yoldadi..ona ne qederde adi sozlernen bawa salsamda sen pis yoldasan o fikir vermir.Muctehidlerden xaiwim odur mene ele bir soz desinler ki..o soz cox tesirlendirici olsun...ele bir cumle olsun ki adami deyiyiwsin ve pis yoldan el ceksin. Bilirem qeribe sualdi amma xaiw edirme mene bu suala cavab lazimdi

Bismillahir-rəhmanir-rəhim.

Əleykumus-salam.

Birincisi, insan özü düzəlmək istəməsə heç kəs onu doğru yola yönəltmək qüdrəti çatmaz, çünki insan öz seçimində ixtiyarlıdır. Birdə müctəhidin sözü o vaxt təsirli olur ki, onun pak və təsirli nəfəsi ona dəyə, bəs, əgər sözü biz desək o elə bizim öz sözümüzdən fərqlənməyəcək. Əlbətdə bu o zaman olar ki, pis yoldan çəkinmək istəyə.
Birdə diqqət edin ki, sözün təsirli olmağı üçün nə zaman, necə deyilməsidə şərtdir. Torpağa bir bitgini əkmək üçün əvvəlcə onu hazırlayıb sonra toxumu səpirlər. Sizdə əvvəlcə öz əxlaq və rəftarınızla özünüzü sevdirin və onun qəlbində yer alın, bundan sonra sözünüzdə təsirli olacaq. Hər halda yenədə ən təsirli söz Allah kalamıdır və Qurandan bir neçə ayəni qeyd edirik, inşəllah nəticə verər:

İnfitar surəsi ayə 5. Hər bir kəs öncədən göndərdiyi və ya təxirə saldığı şeyi biləcəkdir (dünyada etdiyi hər bir xeyir və şəri və özündən sonra qoyub getdiyi hər bir xeyir və şər adəti biləcəkdir).

6. Ey insan, səni kərim olan Rəbbinə qarşı məğrur edən nədir?! (ki, Onun tanrılığına qarşı küfr, kərəminə qarşı isə nankorluq etdin)?

7. O Allah ki, səni yaratdı və bədəninin üzvlərini düzəltdi və nizamladı və qaydaya saldı və sahmanladı.

Hədid surəsi ayə 16. Məgər iman gətirmiş kəslərin qəlblərinin Allahı yada salmaq və haqqdan nazil olan şey üçün təvazökar, müti olmasının və onların özlərindən qabaq (səmavi) kitab verilmiş, beləliklə (ömür) müddətləri uzadılmış, qəlbləri sərtləşmiş və çoxu itaətsiz olan kəslər kimi olmamalarının vaxtı çatmayıb?!

Həmçinin saytın kitabxanasındakı kitabdabdan da istifadə edə bilərsiz:

ARİFLƏRDƏN

http://kitab.nur-az.com/az/lib/view/153

Allah sizə yar olsun.

Sual (4) : Bismillah. Salam aleykum. Hədislərdə möminin qeybətini etməyin gəlib. Bəs namaz qılmayan və oruc tutmayan şəxsləri qeybətini edib-eşitmək necədi?

Bismillahir-rəhmanir-rəhim.

Əleykumus-salam.

Namaz qılmayan və oruc tutmayan şəxs əgər daxilində bu işindən naraht və şərməndədirsə onun qeybətini etmək olmaz, amma namaza və oruca əhəmiyyət verməyib bununla fəxr edənin qeybətini etməyin eybi yoxdur.
Peyğəmbər Əkrəm (s) buyurur: Abır və həya pərdəsini öz üzərindən kənar edən şəxsin qeybəti haram deyil.
Əlbətdə bu məsələnin fiqhi cəhətini saytın fiqhi bölməsindən soruşun.

Allah sizə yar olsun.

Sual (5) : Salam aleykum. Mən gün ərzində 1 dəfə yemək yeyirəm bunun səbəbi tək yaşamagım ve iştahamın çox az olmasıdır.Az yeməyimin özümə intihar etməsimi sayilir? və bu günahdırmı?

Bismillahir-rəhmanir-rəhim.

Əleykumus-salam.

Az yemək islamda sifariş olunub amma o həddə olmaya ki, insanın səhhət və sağlamlığına ciddi ziyan vura və ya insanın fəaliyyətinə mane ola, belə olduqda bədənin təlabatını ödəmək vacib olur. Əgər az yemək zərər vursa sağlamlığa insana vacib olur ki, həkimə və psixoloqa müraciət etməklə az yeməyin səbəbini aradan qaldırsın. Çünki bədən bizə Allah tərəfindən verilmiş əmanətdir. Çalışın azı gündə iki dəfə yemək yeyəsiniz, iştahanız üçün yeməkdən qabaq və sonra duzdan istifadə edin, yeməyi ayaq üstə yeməyin, yeməkdən qabaq və arada su içməyin, müyyən vaxlarda yemək yeyin, yeməkdən öncə yüngül idman edin və s...

Allah sizə yar olsun.

Sual (6) : salam size bir sualim var men sub namazindan sonra yatiram ta saat 11kimi bunun gunahı varmi amma namazlarimi vaxdinda qiliram.ve namaz üsde bir saata qeder otururam ve quran ve dualarıda oxuyuram.amma süb namazindan sonura yatmaqim meni cox narahet edir. özdüyümde deyirem meni Allahn qezebi tutacaq bu qeder yatiram.mene etrafli yazin .günahdir süb namazindan sonra yatmaq?Allah razi olsun sizden

Bismillahir-rəhmanir-rəhim.

Əleykumus-salam.

Imam Cəfər Sadiq (ə) buyurub ki, sübh azanı ilə Günəşin doğuşu arasındakı müddətdə yatmaq adamın ruzisini kəsər, çöhrəsini saraldar, üzündə dəyişiklik və çirkinlik yaradar (Biharül-ənvar, XIII, 182). Hədislərdə bunun səbəbini belə izah edirlər ki, günün həmin vaxtında insanların ruzisi bölünüb müəyyən edilir. Bunu rəmzi mənada da qəbul etmək olar. Sübh namazını qılandan sonra yatmayıb oyaq qalan insan adətən ya zehni, ya da fiziki əməklə məşğul olur, iş-gücünün arxasınca gedir, nəticədə ruzi qazanır. Yatıb yuxuya qalan adam isə bu imkanı əldən verir. Buna görə xalq içində deyirlər ki, iki nəfər qazanar: tez evlənən və yuxudan tez oyanan.

İnsan gün ərzində 7-8 saat yuxuya ehtiyacı var və yaxşı olar gecəni tez yatsın, Quranda gecənin yuxu və istirahət üçün qərar verilməsinə işarə olunur.

Sübh namazından sonra yatmaq günah deyil amma bəyənilmir.

Allah sizə yar olsun.

Sual (7) : assalamu aleykum! mesumlarimiz haqda cekilen filmlerde sifetlerin gosterilmemesinin menasi nedir? umumiyyetle onlari gostermek haramdirmi?

Bismillahir-rəhmanir-rəhim.

Əleykumus-salam.

Məsumların çöhrələrini hörmət əlaməti olaraq filimlərdə göstərmirlər. Başqa bir dərəfdəndə müsəlmanlar buna həssasiyyət göstərirlər. Əlbətdə hörmətsizlik, eyib və nöqsan sayılmasa haram deyil.

Allah sizə yar olsun.

Sual (8) : SALAM ALEYKUM MEN QUMARXANADA OLURAM ARDA AMMA OYNAMIRAM BUNUN GUNAHI MENEDE VAR?

Bismillahir-rəhmanir-rəhim.

Əleykumus-salam.

Ənam surəsinin 68-ci ayəsində buyurulur: «Ayələrimizə istehza edənləri gördüyün zaman onlar söhbəti dəyişənə qədər onlardan üz çevir. Əgər şeytan bunu sənə unutdursa, xatırlayandan sonra o zalım tayfa ilə oturma». Uyğun əmrə itaət etməyənlərə xəbərdarlıq olunur: «Belə məclislərdə iştirak etsəniz, siz də onların tayı olacaq, onların aqibəti ilə rastlaşacaqsınız» Nisa» surəsi, ayə 140.

Peyğəmbər (s) buyurur: Fasiqlərlə ünsiyyətdə olmaq pislik ardınca pislik gətirir.

Yəni onlarla ünsiyyətdə olduqda insanın özü də fasiq olacaqdır.

İmam Sadiq (ə) buyurub: Möminə yaraşmaz ki, günah olan məclisdə iştirak etsin, bir halda ki, günahın qarşısını ala bilmir.

Ayə və hədislərdən aşağıdakı nəticələr çıxır:

1. Günah məclisində iştirak, günahda iştirak kimidir;

2. Belə məclisdə iştirak edən şəxs, ya günahın qarşısını almalı, ya da həmin məclisi tərk etməlidir;

3. Belə məclislərdə sakit oturanın cəzası, günahkarların cəzası qədərdir;

4. Günaha yol verilməyən məclislərdə kafirlərlə oturmaq olar;

5. Günahkarlarla mehriban münasibət nifaq nişanəsidir. Çünki həqiqi müsəlman, ilahi hədlərin pozulduğu mühitdə rahat dayana bilməz.

Allah sizə yar olsun.

Sual (9) : Salam-aleykum. Deyirler ki, seytan insani can veren vaxti azdira biler. Yeni kufre surukleye biler. Duz sozdur? Allah razi olsun.

Bismillahir-rəhmanir-rəhim.

Əleykumus-salam.

Bəli, hədislərdə bu qeyd olunub. İmam Sadiq (ə) buyurur: İnsanın ölüm məqamında şeytan öz dəstəsi ilə gəlir ki, qəlbində şəkk yaratsın və onu küfrə çəksin. Eləki can verənin yanında olduz şəhadəteyni ona təlqin edin tainki dünyadan getsin.

İnsana ölüm vaxtı susuzliq baş verir şeytanda bundan istifadə edib bir bardaq su ilə insanın gözünə görsənib deyir ki, əgər bu çətinlikdən qurtarmaq istəyirsənsə denə Allah yoxdur və Hz. Mühəmməd (s) mənim peyğəmbərim deyil. Əgər imanı və əqidəsi zəif olsa bu sözləri deyər və sonra şeytandan su istəyər şeytan isə suyu yerə töküb deyər ki, tay sənə ehtiyacım yoxdur mən öz işimi gördüm, amma əgər imanı möhkəm və sabit olsa üzünü çevirər və şeytana əhəmiyyət verməz.

Hədislərdə ölüm vaxtı şeytanın hiyləsindən amanda qalmaq üçün sifariş olunub. Dünya malına ürək bağlamaq, namazı yüngül saymaq, halal və harama əhəmiyyət verməmək şeytana aldanmağa səbəb olar.

İmam Sadiq (ə) buyurur: Şeytan insanın imanını əlindən almaq üçün atası ya babasının simasında gələr və deyər ki, dinindən və məzhəbindən əlçək məndə bu dində idim indi isə buna görə əzab çəkirəm.

Ölüm mələyi gəlib şeytanı uzaqlaşdırar və şəhadəti özü təlqin edər. Hədisdə deyilir ki: Hz. Əzrail deyir mən hər namaz vaxtı gəlib insanların namazına baxaram əgər namazlarına əhəmiyyət verirlərsə ölüm vaxtı özüm onlara təlqeyn deyərəm.

Bir şəxs İmam Sadiqdən (s) soruşur ki, sənin səhabələrin deyirlərki, iman iki cürdür sabit iman və zahiri və aradan gedən iman, mən nə edim ki, imanım sabit olsun İmam buyurur: Bu duanı (namazın müştərək təqibatı) çox oxu:

رَضِيتُ بِاللَّهِ رَبّا وَ بِمُحَمَّدٍ صَلَّى اللَّهُ عَلَيْهِ وَ آلِهِ نَبِيّا وَ بِالْإِسْلامِ دِينا وَ بِالْقُرْآنِ كِتَابا وَ بِالْكَعْبَةِ قِبْلَةً وَ بِعَلِيٍّ وَلِيّا وَ إِمَاما وَ بِالْحَسَنِ وَ الْحُسَيْنِ وَ عَلِيِّ بْنِ الْحُسَيْنِ وَ مُحَمَّدِ بْنِ عَلِيٍّ وَ جَعْفَرِ بْنِ مُحَمَّدٍ وَ مُوسَى بْنِ جَعْفَرٍ وَ عَلِيِّ بْنِ مُوسَى وَ مُحَمَّدِ بْنِ عَلِيٍّ وَ عَلِيِّ بْنِ مُحَمَّدٍ وَ الْحَسَنِ بْنِ

عَلِيٍّ وَالْحُجَّةِ بْنِ الْحَسَنِ صَلَوَاتُ اللَّهِ عَلَيْهِمْ أَئِمَّةً اللَّهُمَّ إِنِّي رَضِيتُ بِهِمْ أَئِمَّةً فَارْضَنِي لَهُمْ إِنَّكَ عَلَى كُلِّ شَيْ‏ءٍ قَدِيرٌ

Rəzitu Billahi Rəbba və bi Muhəmmədin sallAllahu aleyhi ve alihi Nəbiyya və bil İslami dina və bil Qurani Kitaba və bil Kəbəti qiblətən və bi Əliyyin Vəliyyən və İmama və bil Həsəni vəl Huseyni və Əliyy ibnil Huseyni və Məhəmməd ibni Əliyyun və Cəfər ibni Muhəmmədin və Musa ibni Cəfərin və Əliyy ibni Musa və Muhəmməd ibni Əliyyun və Əliyy ibni Muhəmmədin və Həsən ibni Əliyyin vəl Huccət ibnil Həsən səlavatullahi ələyhim əimməh. Allahummə inni rəzitu bihim əimmətən fərzəni ləhum. İnnəkə əla kulli şəyin Qadir.

Həmçinin Əraf surəsi 54-55-56 cı ayələri və Ədilə duasını (Məfatihul-cinanda var bu dua) oxumaq sifariş olunub.

Allah sizə yar olsun.

Sual (10) : Bir cox alimlar deyir ki Abu Bakr bela eladiki cunki zinadan amala galib,Wumur bela etdiki cunki zinadan amala galib va bawgalari hakgindada bela deyirlar,yani bela bawa duwmak olurki zinadan amala galmak sabab oluvki bunlar bela ediflar sizca bu duzgun fikirdi?va man bu maktubdan gabagda maktub yazmiwdim ancag cavab almadim

Bismillahir-rəhmanir-rəhim.

Bu söz həqiqətdə hədisə işarədir ki, İmam Sadiq (ə) buyurub. Biz Əhli Beytin düşməni, zinadan əmələ gəlmiş və anasının heyz halında qalmış uşaqlardır.

Həmçinin Peyğəmbər (s) buyurub: "Ya Əli səni ancaq mömin sevər və sənə ancaq münafiq nifrət edər.Vay məndən sonra sənə nifrət edənlərin halına".

Əlbətdə bu tam səbəb deyil ki, hər zinadan əmələ gələn Əhli-beytin düşməni və hər halalzadə Əhli-beyti sevən olsun bəzən əksinədə olur çünki başqa səbəblərdə var o cümlədən cahillik, dünya malına hərislik, münafiqlik, məqam və şəhvət pərəstlik və s... İnsan öz ixtiyarı ilə yolunu seçir istər halalzadə olsun ya olmasın, amma insanın batini paklığı və halalzadə olub olmaması onun seçimində ya meylində təsir qoyur sanki buna bənzəyir ki, adətən tərbiyəli ailədə böyüyən uşaq tərbiyəli və dindan ailədə böyüən dindar olur və s.. yəni insanın yaşadığı mühitin insanın seçimində rolu olduğu kimi batini və ruhi paklığında təsiri var, amma yenədə insan öz yolunu seçməkdə məcbur deyil.

Adətən Əhli-beytin düşmənləri də tarixi sübutlara əsasən bu sözün doğruluğunu göstərir misal üçün İbni Ziyad, Şimr və başqaları, amma hamısına şamil etmək düzgün olmaz.

Ümumi bölməyə sizin email adresdən sual gəlməyib.

Allah sizə yar olsun.